އިންޑަސްޓްރިއަލް އެންޑް ކޮމާޝަލް ބޭންކު އޮފް ޗައިނާ (އައިސީބީސީ) ގެ ބްރާންޗެއް ރާއްޖޭގައި ހުޅުވުމަށް މަސައްކަތް ކުރަމުން އަންނަ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ރާއްޖެ އާއި ޗައިނާގެ ފައިސާއިން މުއާމަލާތް ކުރެވޭނެ އިންތިޒާމު ހަމަޖައްސަން ޗައިނާގެ ޕީޕަލްސް ބޭންކް އޮފް ޗައިނާ (ޕީބީއޯސީ) އާ އެކީ އެއްބަސްވުމެއް ހެދުމާ ގުޅިގެން މިނިސްޓަރު ދައުލަތުގެ މީޑިއާ ޕީއެސްއެމަށް ވިދާޅުވީ މި އަހަރުގެ ޖެނުއަރީ މަހުގެ ތެރޭގައި ޗައިނާ އަށް ރައީސް ޑރ. މުހައްމަދު މުއިއްޒު ކުރެއްވި ދަތުރުގައި، އެ ގައުމާއެކު ވިޔަފާރި އާއި ތަރައްގީގެ ގިނަ އެއްބަސްވުންތަކެއްގައި ސޮއިކޮށްފައިވާ ކަމަށެވެ.
އެގޮތުން ބްލޫ އިކޮނޮމީ ކޯރޕަރޭޝަން އެއްބަސްވުމާއި، ޑިޖިޓަލް ދާއިރާ ކުރިއެރުވުމާ ގުޅޭ އެއްބަސްވުމާއި، ބެލްޓް އެންޑް ރޯޑް ކޯޕަރޭޝަނާ ގުޅޭ އެއްބަސްވުން ހިމެނޭކަން ސައީދު ފާހަގަކުރެއްވި އެވެ. އަދި އެކަމާ ގުޅޭ އިތުރު މަޝްވަރާތައް ކުރިއަށްދާ ކަމަށް ވެސް މިނިސްޓަރު ވިދާޅުވި އެވެ.
"[އެގޮތުން] ޗައިނާގެ އެންމެ ބޮޑު ބޭންކު އައިސީބީސީގެ ބުރާންޗެއް ވެސް ރާއްޖޭގައި ހުޅުވުން ހިމެނޭ. އެމަސައްކަތުގެ ނެގޯޝިއޭޝަންސް ކުރިއަށް އެބަދޭ." ސަޢީދު ވިދާޅުވި އެވެ.
އެހެންވެ އެ ބޭންކްގެ ގޮތްޕެއް ރާއްޖޭގައި ހުޅުވުމުގެ އުންމީދު ބޮޑު ކަމަށް މިނިސްޓަރު ވިދާޅުވި އެވެ.