ހއ.މާރަންދޫ ކައުންސިލް މެންބަރު އިންތިޚާބު ކުރުމަށް ބާއްވާ ބައި-އިލެކްޝަނުގެ ވޯޓުލުން ފަށައިފިއެވެ.
މި ބައި-އިލެކްޝަންގެ ވޯޓުލުން ފަށާފައިވަނީ މިއަދު ހެނދުނު 08:00 ގައެވެ.
މި އިންތިހާބުގައި ވާދަކުރަނީ އެމްޑީޕީގެ ޓިކެޓުގައި ޝިހާމް މުޙައްމަދު، މިންވަރު / ހއ. މާރަންދޫ އަދި ޕީއެންސީގެ ޓިކެޓުގައި އަބްދުލްޙަމީދު ޢަބްދުއްސައްތާރު، ސްކައި / ހއ. މާރަންދޫއެވެ.
މި އިންތިހާބުގައި ވޯޓު ލުމަށް 2 ވޯޓު ފޮއްޓެއް ބަހައްޓާފައިވެއެވެ. އެއީ މާރަންދޫ ސްކޫލުގައި ބަހައްޓާފައިވާ ވޯޓު ފޮއްޓާއި މާލޭ، ފެކަލްޓި އޮފް ހެލްތް ސައިންސްގެ ކޮންފަރެންސް ހޯލުގައި ބަހައްޓާފައިވާ ވޯޓު ފޮއްޓެވެ.
މާރަންދޫ ކައުންސިލްގެ ގޮނޑިއެއް ހުސްވީ އެކައުންސިލްގެ ނައިބު ރައީސްގެ މަގާމުގައި ހުންނެވި އަހުމަދު ރަމީޒު، ޖުލައި 13 ވަނަ ދުވަހު ކުއްލި ގޮތަކަށް ނިޔާވުމާ ގުޅިގެންނެވެ. ރަމީޒަކީ މާރަންދޫގައި އެމްޑީޕީގެ ހަރަކާތްތައް ފެށުނީއްސުރެ ހިންގުމުގައި އެންމެ އިސް ރޯލެއް އަދާކުރައްވަމުން ގެންދެވި އެއް ފަރާތެވެ.