ބިދޭސީއެއްގެ ފޯނު ވަގަށް މީހަކު ހައްޔަރުކޮށްފި އެވެ.
އެ މައްސަލައިގައި ހައްޔަރުކުރީ ތ. ގުރައިދޫ ޒަމީން، މުހައްމަދު ވިސާމް، 26، އެވެ.
ފުލުހުން ބުނީ އޭނަ ހައްޔަރުކުރީ ރޭ އިރާކޮޅު 6:30 ހާއިރު މާލޭގެ ރައްފުސްގޯޅި ފިއުޝަން މާޓު ކައިރީގައި ފުލުހުންގެ ޓީމެއް ހަރަކާތްތެރި ވަމުން ދަނިކޮށް، ބިދޭސީ ފިރިހެނަކު އޭނާގެ ފޯނު ގެއްލިފައިވާ ކަމަށް ބުނެ ހުށަހެޅި މައްސަލައަކާ ގުޅިގެން ކަމަށެވެ.
އަދި އޭނާގެ ފޯނު ގެއްލުނީ ހުރފި ދިރިއުޅޭ ގެސްޓު ހައުސްގައި ނިދާފައި އޮއްވައި ކަމަށް ފުލުހުން ބިދޭސީ މީހާ މައުލޫތު ދީފައިވެ ވެ.
އެގޮތުން ވައްކަންކުރި މީހާ ހޯދީ ގެސްޓު ހައުސްގެ ސީސީޓީވީ ކެމެރާގެ ފޫޓޭޖް އެހީގަ އެވެ. އެގޮތުން ފުލުހުން ވިސާމް އަތުލައިގަތީ ރޭ 9:00 ހާއިރު އޯކިޑު މަގު ފަތަހަ ސްޓާ ކައިރިންނެވެ. ފޯނު ހޯދީ މާލޭގެ ނޯތު ހާބަރުގައި އޮތް ބޯޓެއްގައި ހުރި މީހަކަށް ފޯނު ވިއްކާލާފައި ވަނިކޮށް ކަމަށް ވެސް ފުލުހުން ބުންޏެވެ.
ބިދޭސީއެެއްގެ ފޯނު ވަގަށް ނެގި މައްސަލައިގައި ޒުވާނަކު ހައްޔަރުކޮށް އެ މައްސަލަ އިތުރަށް ތަހުގީގު ކުރަމުން އަންނަ އިރު މިއަދުގެ ވަރަށް ހެނދުނުގެ ވަގުތެއްގައި ހުޅުމާލޭގައި ބިދޭސީން އުޅޭ އެކޮމޭޝަނަކުން ފޯނުތަކެއް ވަގަށް ނެގި މީހަކު އަތުލައިގަނެގެން އުޅޭ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދައުރުވެފައިވެ އެވެ.