ދެހާސް ވިހީގައި ޖަޕާންގެ ސޮނީން ނެރުނު ޕްލޭސްޓޭޝަން 5 ގެ އަޕްގްރޭޑް ވާޝަން "ޕީއެސް 5 ޕްރޯ" އަށް މި މަހުގެ 26 ގައި ޕްރީ-އޯޑަރަށް ހުޅުވައިލަން ނިންމި އެވެ.
މިކަން އިއުލާންކޮށް ސޮނީން ބުނީ ރަސްމޫކޮށް އެ ވިއްކަން ފަށާނީ ނޮވެމްބަރު މަހުގެ 7 ގައި ކަމަށެވެ. އަގަކީ 700 ޑޮލަރެވެ. މިއީ 2020 ގައި ނެރެ، ބޮޑު މަގުބޫލު ކަމެއް ހޯދި ޕީއެސް 5 ވިއްކި އަގަށް ވުރެ 40 ޕަސެންޓް ބޮޑު އަގެކެވެ. މިއާ އެކީ ސޮނީން ބުނީ "ޕީއެސް 5 ޕްރޯ" އަކީ އޮރިޖިނަލް ގޭމާ ހިލާފަށް ވަރަށް އާ ގިނަ ކަންތައްތަކާއި އާ ފީޗާތަކެއް ވެސް އެކުލެވޭނެ އެއްޗެއް ކަމަށެވެ.
އެގޮތުން މީގެ އެންމެ ހާއްސަ އެއް ސިފައަކަށް ވާނީ އަވަސްވުން ކަމަށާއި މިއީ މިހާތަނަށް ނެރޭ އެންމެ ވަރުގަދަ ޕީއެސް ކޮންސޯލް އަށް ވާނެކަމުގެ ޔަގީންކަން ސޮނީން ދީފައިވެ އެވެ.
ދެހާސް ވިހީގައި ނެރުނު ޕީއެސް އަކީ ސޮނީ އަށް ނުކަތާ ވަރަށް ޑިމާންޑް ވެސް ވަރަށް ބޮޑުވި އެއްޗެކެވެ. އެ ކުންފުނިން ބުނެފައިވާ ގޮތުގައި މި އަހަރުގެ ޖޫން 30 އާ ހަމައަށް ޕީއެސް 5 ގެ 61.8 މިލިއަން ޔުނިޓް ވިއްކާފައިވެ އެވެ.