ޓްރިޕް.ކޮމް މެދުވެރިކޮށް މޯލްޑިވިއަންގެ ފްލައިޓްތަކަށް ބުކްކުރެވޭ ގޮތް ހަދައިފި އެވެ.
އައިލޭންޑް އޭވިއޭޝަން ސާވިސެސް (އައިއޭއެސް) އިން އޮޕަރޭޓް ކުރަމުން އަންނަ ގައުމީ އެއާލައިނުން ބުނީ ޓްރިޕް.ކޮމްއާ ދެމެދު ވެވުނު އެއްބަސްވުމުގެ ދަށުން އެ ވެބްސައިޓު މެދުވެރިކޮށް ދުނިޔޭގެ އެކި ކަންކޮޅުތަކުން ބުކިން ހެދޭނެ ގޮތް މެދުވެރިވުމަކީ ފަސިންޖަރުންނަށް ލިބޭނެ ވަރަށް ބޮޑު ފަސޭހައެއް ކަމަށެވެ.
އެގޮތުން މި ޕާޓްނާޝިޕްގެ ސަބަބުން އޮންލައިން ޕްލެޓްފޯމުގައި ބައިވެރިވުން އިތުރަށް ހަރުދަނާވެ، ފަސިންޖަރުންނަށް ފަސޭހަކަމާއެކު ރާއްޖެއަށް އައުމަށް ފުރުސަތު ލިބޭނެ ވެސް މޯލްޑިވިއަނުންން ބުންޏެވެ. އެ އެއާލައިނުން ފާހަގަކުރި ގޮތުގައި މިއީ ލިބުނު ވަރަށް ބޮޑު ކުރިއެރުމެއް ވެސް މެ އެވެ.
މޯލްޑިވިއަނުން ބުނީ އަބަދު ވެސް މަސައްކަތް ކުރަމުން އަންނަނީ ފަސިންޖަރުންނަށް ފަސޭހަކޮށް ދިނުމަށް އާ ކަންކަން ތައާރަފުކޮށް، ހިދުމަތްތައް އަވަސްކޮށް ދިނުމަށް ކަމަށެވެ.