ބޮލީވުުޑްގެ މަޝްހޫރު ބަތަލާ ކަރީނާ ކަޕޫރްގެ ފިލްމުތަކަށް ހާއްސަ ފެސްޓިވަލެއް ބާއްވަން ނިންމައިފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި މި ފެސްޓިވަލް ބާއްވަން ނިންމީ ކަރީނާގެ ފިލްމީ ކެރިއަރަށް އަންނަ އަހަރު 25 އަހަރު ފުރޭތީ އެކަން ފާހަގަ ކުރުމުގެ ގޮތުންނެވެ. ބައެއް މީޑިއާތަކުން ރިޕޯޓްކޮށްފައިވާ ގޮތުގައި މި ފެސްޓިވަލް އިންތިޒާމު ކުރަނީ އިންޑިއާގެ ފިލްމު ހެރިޓޭޖް ފައުންޑޭޝަނުންނެވެ.
އެގޮތުން ފެސްޓިވަލްގެ ކަރީނާގެ ކެރިއަރުގެ އެންމެ ފާހަގަކޮށްލެވޭ ބައެއް ފިލްމުތައް ހޮވާލެވޭ އިންޑިއާގެ އެކި ސިޓީތަކުގެ ބައެއް ސިނަމާތަކުގައި ދައްކާނެ އެވެ. މިއާ އެކީ ކަރީނާ ވަނީ އިންޑިއާގެ ބަތަލާއަކަށް ހާއްސަކޮށްގެން ފިލްމު ފެސްޓިވަލެއްގެ ޝަރަފު ލިބޭ ފުރަތަމަ ބަތަލާއަށެވެ.
މީގެ ކުރިން މި ޝަރަފު ލިބުނު އެކްޓަރުންގެ ތެރޭގައި އަމީތާބް ބައްޗަނާއި ކުރީގެ އެކްޓަރު ދިލިޕް ކުމާރު ހިމެނެ އެވެ.
ކަރީނާ އަށް ހާއްސަ ފިލްމު ފެސްޓިވަލެއް ބާއްވަން ނިންމާފައިވާ އިރު، އޭނަގެ ކެރިއަރުގެ ފެށުމަކީ 2000 ވަނަ އަހަރު ފިލްމު "ރެފިއުޖީ" އެވެ. ހިންދީ ސިނަމާގެ އެންމެ ނުފޫޒު ގަދަ އާއިލާ، ކަޕޫރް ޚާންދާނަށް ނިސްވަތްބާ 43 އަހަރުގެ ބަތަލާ މިހާތަނަށް ވަރަށް ކާމިޔާބު ފިލްމުތަކެއް ކުޅެފައިވެ އެވެ. އޭގެ ތެރޭގައި "ކަބީ ހުޝީ ކަބީ ޢަމް"، "ޖަބް ވީ މެޓް"، "3 އިޑިއަޓްސް"، "މޭ ޕްރޭމް ކީ ދީވާނީ ހޫ"، "ޗަމޭލީ"، "ޔޫވާ"، "އޯމްކާރާ"، "ގޯލްމާލް ރިޓާންސް"، "ބޮޑީގާޑް"، "ރާ.ވަން"، "ހިރޮއިން" އަދި "ވީރޭ ދީ ވެޑިން" ހިމެނެ އެވެ.
ކުރީގެ މަޝްހޫރު ބަތަލާ ކަރީނާ ކަޕޫރްގެ ކޮއްކޮ ކަރީނާގެ އެންމެ ފަހުގެ ފިލްމަކީ މިދިޔަ އަހަރު ހުކުރު ދުވަހު "ދަ ބަކިންހަމް މާޑާސް" އެވެ.