އަންނަ ހަފުތާގައި ސްރީ ލަންކާގައި ބާއްވަން ހަމަހޖެހިފައިވާ ރިޔާސީ އިންތިހާ ދިމާކޮށް ބައެއް ގައުމުތަކުން ލަންކާ އަށް ދަތުރު ކުރުމުގައި ސަމާލުވުމަށް އެޑްވައިޒަރީ ނެރެން ފަށައިފި އެވެ.
ޓްރެވެލް އެޑްވައިޒަރީ ނެރުނު ގައުމުތަކުގެ ތެރޭގައި އެމެރިކާ އާއި އޮސްޓްރޭލިއާ އަދި ކެނެޑާ ފަދަ ގައުމުތައް ހިމެނެ އެވެ. އެ ގައުމުތަކުން ނެރެފައިވާ އެޑްވައިޒަރީތަކުގައި މައިގަނޑު ގޮތެއްފައި ފާހަގަކޮށްފައި ވަނީ އިންތިހާބުގެ ތެރޭގައި ހަމަނުޖެހުންތަކެއް ހިނގައިފާނެތީ އެފަދަ ކަންކަމަށް ސަމާވުމަށެވެ.
އެގޮތުން މަގުމަތީގައި މުޒާހަރާ ކުރުން ގަދަ ހަރަކާތްތަކެއް ވެސް ހިނގައިފާނެ ކަމަށް ބެވޭ ކަމަށާއި އެފަދަ ހާލަތްތަކުގައި ފުލުހުން ކަރުނަ ކޭހާއި ޥޯޓާ ކެނަން ފަދަ ތަކެތި ބޭނުންކޮށްފާނެތީ ދަތުރުކުރާ އެފަދަ ހަރަކާތްތައް ހިނގާ ތަންތަނަށް ނުދިއުމަށް މީހުން އިލްތިމާސްކޮށްފައިވެ އެވެ.
އެމެރިކާގެ ސްޓޭޓް ޑިޕާޓްމަންޓުން ނެރުނު އެޑްވައިޒަތީފައި ބުނީ އިންތިހާބުގެ ތެރޭގަ އާއި އޭގެ ފަހުން ވެސް ހަމަނުޖެހުންތަކެއް ހިނައިފާނެ ކަމަށާއި އެހެންވެ ލަންކާ އަށް ދަތުރު ކުރާ ނުވަތަ މިހާރު ވެސް ލަންކާގައި ތިބި އެމެރިކާ މީހުން ސަމާލުވާން އެދޭ ކަމަށެވެ.
އޮސްޓްރޭލިއާ އިން ނެރުނު އެޑްވައިޒަރީގައި ވަނީ އެއްވުންތަކާއި އެ ނޫން ވެސް އެފަދަ ހަރަކާތްރައް ކުރިއަށްދާ ތަންތަނަށް އެ އެ ގައުމުމުގެ މީހުން ލަންކާގައި އުޅޭ އިރު ނުދާން އެދިފަ އެވެ.
ލަންކާގެ ރިޔާސީ އިންތިހާބު އޮންނާނީ މި މަހުގެ 21 ގަ އެވެ. މި އިންތިހާބުގައި 38 ކެންޑިޑޭޓަ،ު ވާދަކުރައްވަ އެވެ. އޭގެ ތެރޭގައި މިހާރުގެ ރައީސް ރަނިލް ވިކްރަމަސިންހަ ވެސް ހިމެނެ އެވެ.
މި އަހަރުގެ ރިޔާސީ އިންތިހާބަކީ ލަންކާގެ ތާރީހުގައި ވެސް އެންމެ ގިނަ ކެންޑިޑޭޓުން ވާދަކުރާ އިންތިހާބެވެ.