ސަލްމާން މިހާރު ޝޫޓްކުރަމުން އަންނަ ފިލްމުގެ ކާސްޓާ، އެކްޓަރު ޝަރުމަން ޖޯޝީ ވެސް ގުޅިފައިވާ ކަމަށް ރިޕޯޓްތައް ބުނެފި އެވެ.
ބޮލީވުޑްގެ ޚަބަރުތައް ގެނެސްދޭ މީޑިއާތަކުން ބުނީ ފިލްމުގައި އޭނަގެ ވަރަށް މުހިއްމު ރޯލެއް ހިމެނޭނެ ކަމަށާއި ވަރަށް އަވަހަށް ޝަރުމަން ޝޫޓިން ވެސް ފަށާނެ ކަމަށެވެ. ސަލްމާނާ އެކީ ޝަރުމަން މީގެ މަސައްކަތްކޮށްފައި ނުވާތީ "ސިކަންދަރު" ވަނީ އެ ދެ މީހުން އެކީގައި ފެންނަ ފުރަތަމަ ފިލްމަށެވެ.
މިދިޔަ ހަފުތާގައި މީޑިއާތަކުން ރިޕޯޓްކޮށްފައިވާ ގޮތުގައި މި ފިލްމުގެ ކާސްޓްގައި މިހާރު ދެކުނުގެ މަޝްހޫރު ބަތަލާ ކާޖަލް އަގަރްވާލް ވެސް ހިމެނެ އެވެ.
"ސިކަންދަރު" ގެ ލީޑް ބަތަލާ އަކީ ދެކުނުގެ މަޝްހޫރު ޒުވާން ބަތަލާ ރަޝްމިކާ މަންދަނާ އެވެ.
ސާޖިދު ނަދިއަދުވާލާ ޕްރޮޑިއުސްކުރާ ފިލްމުގެ ޑައިރެކްޓަރަކީ ތަމަޅަ ޑައިރެކްޓަރު އޭއާރް މުރްގަދޯސް އެވެ. ސަލްމާން ޑަބަލް ރޯލެއް ކުޅޭ "ސިކަންދަރު" ސިނަމާތަކަށް އަންނާނީ އަންނަ އަހަރުގެ ފިތުރު އީދުގަ އެވެ.