ކުޅުދުއްފުށީ ސިޓީގެ އިރުމަތީ ފަރާތުގައި އަލަށް ހެދި ބޮޑުމަގުގައި އިދާރީ ދާއިރާތަކާ ބެހޭ މިނިސްޓްރީން މިގަސްއިންދުމުގެ ޙަރަކާތެއް ބާއްވައިފި އެވެ.
އެ މިނިސްޓްރީން ބުނީ އެކަން ކުރިއަށް ގެންދިޔައީ އެތަނުގެ ޕަބްލިކް ވޯކްސް ޔުނިޓްގެ ފަރާތުން ކަމަށެވެ. އެގޮތުން އާ ބޮޑުމަގުގައި ޖުމްލަ 125 ގަސް އިންދާފައިވެ އެވެ. އެ ގަސްތަކުގެ ތެރޭގައި ކިނބި، ފިތުރޯނު އަދި ރަނިކަ ހިމެނެ އެވެ.
މި މިނިސްޓްރީން ބުނީ އެގަސްތައް ރޯވަންދެން ގަސްތަކަށް ފެން ދީ ބެލެހެއްޓުމުގެ މަސައްކަތް ޕަބްލިކް ވޯކްސް ޔުނިޓުން ކުރިއަށް ގެންދާ ގޮތަށް ވެސް ހަމަޖެހިފައިވާ ކަމަށެވެ.
މިއީ މި ސަރުކާރުން ފަށާފައި އޮތް 5 މިލިއަން ގަސް އިންދުމުގެ މަޝްރޫޢުގެ އިންދި ގަސްތަކެކެވެ.