ބޮލީވުޑްގެ ތަރިން ކަމަށްވާ ކާތިކް އާރިއަނާއި ޓްރިޕްތީ ދިމްރީ އެކީގައި ކުޅެން ހަމަޖެހިފައިވާ ދެވަނަ ފިލްމުގެ ޝޫޓިން އަންނަ ހަފުތާގައި ފަށަން ތައްޔާރުވެފައިވާ ކަމަށް ރިޕޯޓްތައް ބުނެފި އެވެ.
ބޮލީވުޑްގެ ޚަބަރުތައް ގެނެސްދޭ ބައެއް މީޑިއާތަކުން ބުނީ އަސަރު ގަދަ ލޯބީގެ ވާހަކަައަކަށް އަނޫރާގް ބާސޫ ޑައިރެކްޓް ކުރަން ހަމަޖެހިފައިވާ ފިލްމުގެ ޝޫޓިން ފަށާނީ މި މަހުގެ 24 ގައި ކަމަށެވެ. ނަމަވެސް މީގެ ނަމެއް އަދި ސާފެއް ނުވެ އެވެ. ބުޝަން ކުމާރުގެ ޓީ ސީރީޒް އިން ޕްރޮޑިއުސްކުރާ މި ފިލްމު ސިނަމާތަކަށް ގެންނާނީ އަންނަ އަހަރުގެ ފަހުކޮޅު އެވެ
ކާތިކާއި ޓްރިޕްތީ ދެވަނަ ފިލްމަކަށް ތައްޔާރު މިވީ އެކީގައި ކުޅުނު ފުރަތަމަ ފިލްމު "ބޫލް ބުލައްޔާ 3" އަދި ރިލީޒް ވެސް ނުވަހީނެވެ. އަނީސް ބަޒްމީ ޑައިރެކްޓްކޮށްފައިވާ މި ހޮރޯ-ކޮމެޑީ ސިނަމާތަކަށް ގެންނަން ހަމަޖެހިފައި ވަނީ ނޮވެމްބަރު 1 ގަ އެވެ. ކާސްޓްގައި ވިދިއާ ބާލަން ވެސް ހިމެނޭ މި ފިލްމަކީ ކާތިކާ އަކީ އަނީސް 2022 ގައި ގެނެސްދިން "ބޫލް ބުލައްޔާ 2" ގެ ފޮލޯއަަޕެކެވެ.
އަނޫރާގް ޑައިރެކްޓްކުރާ އިތުރު ފިލްމަކުން ކާތިކަށް ފުރުސަތު މި ލިބުނީ މިދިޔަ އަހަރު އިއުލާންކުރި "އާޝިގީ 3" ގެ މަސައްކަތް ނުފެށި ވަރަށް ބޮޑަށް ދިގުލައިގެން ގޮސްފައި ވަނިކޮށެވެ.
"މާޑާ" އާއި "ބަރްފީ" ކާމިޔާބު ފިލްމުތައް ގެނެސްދިން އަނޫރާގް މިހާރު އަންނަނީ ނޮވެމްބަރު 29 ގައި އެންތޮލޮޖީ "މެޓްރޯ…އިން ދިނޯ" ގެނެސްދޭން ތައްޔާރުވަމުންނެވެ. މިއީ އޭނަގެ 2007 ގެ "ލައިފް އިން އަ…މެޓްރޯ" ގެ ފޮލޯއަޕެކެވެ.