އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގެ ހިދުމަތްތަކާއި އެތަނުގައި މަސައްކަތް ކުރާ މުވައްޒަފުުންނާ ބެހޭ ވާހަކަތަކާއި ސިއްހީ އެކިއެކި މުހިއްމި މައުލޫމާތު ހިމަނައިގެން "ސިއްހީ އުދަރެސް" ގެ ނަމުގައި ޑިޖިޓަލް ނިއުސްލެޓާއެއް ނެރެން ފަށައިފި އެވެ.
މީގެ ދެވަނަ އިޝޫ މިއަދު ނެރެފައިވާ އިރު، އޮންލައިންކޮށް މި ކިޔައި ލެވޭނެ އެވެ. މީގައި ވެސް ވަރަށް ގިނަ އެކިއެކި މައުލޫމާތުތައް ހިމަނާފައިވެ އެވެ.
އޭއީއެޗުން ބުނީ މަހަކު އެއް ފަހަރު ނެރޭ "ސިއްހީ އުދަރެސް" އާ ބެހޭ ގޮތުން އާންމުންގެ ހިޔާލު ވެސް ބޭނުންވާ ކަމަށާއި އެ ހިޔާލުތަކަށް ބިނާކޮށް ނިއުސްލެޓާ އިތުރަށް ރަނގަޅު ކުރަން މަސައްކަތްތަކެއް ކުރާނެ ކަމަށެވެ.
އޭއީއެޗަކީ އަތޮޅުތެރޭގެ ހަމައެކަނި ޓާޝަރީ ހޮސްޕިޓަލެވެ. މިތަން ހުޅުވީ 2020 ގަ އެވެ.