ފްރާންސްގައި ދާދި ފަހުން ނިންމައިލި މި އަހަރުގެ ޕެރަލިމްޕިކްސްގައި ވެސް ރާއްޖެ ތަމްސީލުކުރި ޕެރަ-އެތުލީޓު ފާތިމަތު އިބްރާހީމް ފާތުން) އާ އެކީ ދުވާނެ އަންގެން ގައިޑް ރަނާއެއް ހޯދަން އިއުލާންކޮށްފި އެވެ،
ލޯފަން އެތުލީތެއްގެ ގޮތުގައި ފާހަގަކުރެވޭ ފާތުން މިކަން އިއުލާންކުރީ ސޯޝަލް މީޑިއާގަ އެވެ.
ފާތުންއާ އެކީ ދުވާ ޕާޓްނަރަކަށް، ގައުމީ އެތުލީޓުންނަށް ލިބޭ 5،000ރ. ގެ އެލަވަންސް ވެސް އޮލިމްޕިކް ކޮމިޓީން ދޭނެ އެވެ. އެހެންވެ މިކަމަށް ޝައުގުވެރިވާ މީހުން މެސެޖްކުރުމަށް ފާތުން އެދިފައވެ އެވެ.
ކުރިން ވެސް ޕެރަލިމްޕިކްސްގައި ރާއްޖެ ތަމްސީލުކޮށްފައިވާ ފާތުން ވަނީ މި ފަހަރުގެ ޕެރަލިމްޕިކްސްގައ ޕާސަނަލް ބެސްޓް ހަދައި ހީޓުގެ ތިން ވަނަ ހޯދާފައިވެ އެވެ. އަދި މިދިޔަ އަހަރު މަޑަގަސްކަރާގައި ބޭއްވި އިންޑިއަން އޯޝަން އައިލެންޑް ގޭމްސްގެ 100 މީޓަރު ދުވުމުގައި ވާދަކޮށް، ލޯ މެޑަލް ވެސް އޭނަ ހޯދި އެވެ.