އެމެރިކާގެ މި އަހަރުގެ ރިޔާސީ އިންތިހާބުގައި ވާދަކުރައްވާ ޑިމޮކްރެޓިކް ޕާޓީގެ ކެންޑިޑޭޓް އަދި މިހާރުގެ ނައިބު ރައީސް ކަމަލާ ހެރިސް އަށް މަޝްހޫރު ލަވަކިޔުންތެރިޔާ ޓޭލާ ސްވިފްޓް ތާއީދު ކުރުމާ ގުޅިގެން އެކަން، ރިބަޕްލިކަން ޕާޓީގެ ކެންޑިޑޭޓް، ޑޮނަލްޑް ޓްރަމްޕަށް ހަޖަމުނުވެގެން ޓޭލާގެ ނިންމުމާ ނުރުހުން ފާޅުކުރައްވައިފި އެވެ.
ކުރީގެ ރައީސް އަމިއްލަ ސޯޝަލް ޕްލެޓްފޯމް، ޓުރުތު ސޯޝަލްގައި ކުރެއްވި ޕޯސްޓެއްގައި ވިދާޅުވީ "ޓޭލާ ސްވިފްޓް ދެކެ ނަފުރަތުކުރާ" ކަމަށެވެ.
Says the smallest man who ever lived. pic.twitter.com/0CpyGvhsuk
— Liz Cheney (@Liz_Cheney) September 15, 2024
ޓްރަމްޕްގެ މި ޕޯސްޓާ ގުޅިގެން ބައެއް މީހުން އޭނަ އަށް ފާޑު ކިޔައި، އެކްސްގައި މަލާމާތް ވެސް ކޮށްފައިވެ އެވެ. އެގޮތުން ކުރިން ރިޕަބްލިކަން ޕާޓީގައި އުޅުއްވި ކޮންގްރެސްގެ މެންބަރެއް ކަމަށްޗާ ލިޒް ޗޭނީ ވަނީ ޓްރަމްޕަށް މަލާމާތްކުރައްވައި ޓޭލާގެ އެންމެ ފަހުގެ އަލްބަލް "ދަ ޓޯޗާޑް ޕޮއެޓްސް ޑިޕާޓްމަންޓް" ގެ ލަވައެއް ކަމަށްވާ "ދަ ސްމޯލެސްޓް މޭން ހޫ އެވާ ލިވްޑް" އަކީ ޓްރަމްޕް ކަމަށް ސިފަކުރައްވައިފަ އެވެ.
އަދި ބައެއް މީހުން ވަނީ ޓޭލާ ދެކެ ޓްރަމްޕް ނުރުހުނީ ކަމަލާ އަށް ތާއީދު ކުރަން ނިންމުމުކަން ވަރަށް ސާފު ކަމަށް ބުނެފަ އެވެ. ސަބަބަކީ އޭނަގެ ކެމްޕޭންތަކުގައި ކުރިން ޓޭލާގެ ތާއީދު އޮތްކަން ހާމަކޮށް ދިނުމުން އޭނަގެ އޭއައި ފޮޓޯއެއް ވެސް ބޭނުން ކުރަމުން ގޮސްފައިވުމެވެ.
ނޮވެމްބަރުގައ ބާއްވާ އިންތިހާބުގައި ކަމަލާ އަށް ވޯޓް ދޭނެކަން ޓޭލާ ހާމަކުރީ މި މަހުގެ 10 ގައި އިންސްޓަގްރާމްގައި އާންމުކުރި ޕޯސްޓެއްގަ އެވެ. އެއާ އެކީ ނުފޫޒު ގަދަ ލަވަކިޔުންތެރިޔާ ކަމަލާގެ ކެމްޕޭން ޓީމުން ޝުކުރު ވެސް އަދާކޮށްފައިވެ އެވެ.