ޑާކް ރެއިން އެންޓަޓައިންމަންޓުން އަންނަ މަހު ގެނެސްދޭން ތައްޔާރުވަމުން އަންނަ ފިލްމު "ބިބީ" ގެ ޓިކެޓް މިއަދު އޮލިމްޕަހުން ވިއްކަން ފަށައިފި އެވެ.
އެ ސްޓޫޑިއޯ އިން ބުނީ ޓިކެޓް ވިއްކަން ފެށީ ހެނދުނު 10:00 ގައި ކަމަށެވެ. އެހެންވެ އޮންލައިންކޮށް ޓިކެޓްކޮށް ބުކްކުރި މީހުން ވީހާ ވެސް އަވަހަކަށް ޓިކެޓް ނެގުމަށް ވެސް އެދިފައިވެ އެވެ.
އަންނަ މަހުގެ 7 ގައި ޕްރީމިއާކުރަން ހަމަޖެހިފައިވާ "ބިބީ" އަކީ އާ ޑައިރެކްޓަރު ޝަހުދާ މަހުމޫދު ލިިޔެ، ޑައިރެކްޓްކޮށްފައިވާ ހޮރޯ-ކޮމެޑީއެކެވެ. މީގެ ލީޑް ކާސްޓްގައި ހިމެނެނީ އޭނަގެ ފިރިމީހާ ޝަރަފު އަބްދުﷲ އާއި މަރިޔަމް މަޖުދާ (މަޖޫ) އެވެ. ފިލްމުގެ އިތުރު ކާސްޓުންގެ ތެރޭގައި ޝީލާ ނަޖީބާއި އަހުމަދު ސައީދު ފަދަ ފަންނާނުން ހިމެނެ އެވެ.
"ބިބީ" ގެ ވަރަށް ހާއްސަ ފެނިލުމަކުން ކުރީގެ އެކްޓަރު އިސްމާއީލް ވަޖީހު ވެސް ފެންނާނެ އެވެ.
މި ފިލްމަކީ ޑާކް ރެއިނުން މި އަހަރު ގެނެސްދޭ ދެވަނަ ފިލްމެވެ. އެ ސްޓޫޑިއޯގެ މި އަހަރުގެ ފުރަތަމަ ފިލްމަކީ މާޗްގައި އެޅުވި އެކްޝަން ރިވެންޖް ތުރިލާ "ފުރޭތަ" އެވެ.