އެއްގަމު ގާނޫނުގެ ދަށުން މާލެ ސަރަހައްދު ކަމަށްވާ "އޭ" ޒޯންގައި ރަޖިސްޓްރީ ނުކޮށް ދުއްވާ ވެހިކަލްތަކުގައިސްޓިކާ ޖަހަން ފަށާފައިވާ ކަމަށް ފުލުހުން ބުނެފި އެވެ.
އެހެންވެ ޒޯންތަކުގައި ރަޖިސްޓްރީކޮށްފައިވާ ވެހިކަލްތައް މާލެ ސަރަހައްދުގައި ދުއްވާ މައްސަލަ ފާހަގަކުރެވުމާ ގުޅިގެން އެކަނަށް ހައްލެއް ހޯދަން ފިޔަވައަޅަން ފެށުމާ ގުޅިގެން ފުލުހުން ނެރުނު ބަޔާނެއްގައި ނުގަވައިދުން މާލެ ސަރަހައްދުގައި ބޭނުން ކުރަމުން އަންނަ ވެހިކަލްތައް ގަވާއިދަށް ފައްތަން ކަމާބެހޭ އިދާރާތަކުން މަސައްކަތްތަކެއް ވެސް ކުރަމުން އަންނަ ކަމަށެވެ.
ފުލުހުން ބުނީ، މާލޭ "އޭ" ޒޯން ފިޔަވައި އެހެން ޒޯންތަކަށް ރަޖިސްޓްރީކޮށްފައިވާ ވެހިކަލްތަކާއި ރަޖިސްޓްރީނުކޮށް ބޭނުން ކުރަމުން އަންނަ ވެހިކަލްތައް ގާނޫނާއި ގަވާއިދަށް ފެއްތުމަށް ފުރުސަތު ދިނުމުގެ މަސައްކަތް ކުރަމުން އަންނަ ކަމަށެވެ. އެގޮތުން
ހުޅުމާލޭ ދެވަނަ ފިޔަވަހީގައި ވަގުތީ ގޮތުން ވެހިކަލްތައް ޕާކު ކުރަން ހަމަޖެއްސި ބިމަށް ވެހިކަތައް ގެންދިޔުމަށް އަންގައި، ސްޓިކާ ހަރުކުރުމުގެ މަސައްކަތް ކުރަމުން އަންނަ ކަމަށް ފުލުހުން ބުންޏެވެ.
އެގޮތުން ސްޓިކާ ޖަހާ ވެހިކަލްތަކުގެ ވެރިފަރާތްތަކުން ސްޓިކާގައި ބުނެފައިވާ ސުންގަޑީގެ ކުރިން ވެހިކަލް އެ ބިމަށް ގެންދިޔުމަށް ފުލުހުން ވެސް އެދިފައިވެ އެވެ.