އަހަރު އަލަށް އޭ ލެވެލް އަށް ކިޔަވާ ދަރިވަރުންގެ އަދަދު މިދިޔަ އަހަރާ އަޅާ ބަލާ އިރު 77 ޕަސެންޓަށް އިތުރުވެއްޖެ އެވެ.
އެޑިއުކޭޝަން މިނިސްޓަރު ޑރ. އިސްމާޢީލް ޝަފީޢު ވިދާޅުވީ ކޮންމެ އަހަރަކު ވަދަށް ގިނަ އަދަދެއްގެ ދަރިވަރުންތަކެއް ތަޢުލީމު ހާސިލުކުރާއިރު، މަތީ ފެންވަރުގެ ޔުނިވަސިޓީތަކަށް ވަދެވޭ މިންވަރަށް 2،500 އެއްހާ ދަރިވަރުންނަށް ނަތީޖާ ހާސިލު ނުކުރެވޭ ކަމަށެވެ. އެހެންވެ އެކަން ބަދަލުކޮށް، ވީހާ ވެސް ގިނަ ދަރިވަރުންނަށް މަތީ ތަޢުލީމުގެ ފުރުސަތު ފަހިކޮށް، އޭ ލެވެލް ނިންމައި ދަރިވަރުންގެ އަދަދު އިތުރުކުރުމަކީ ސަރުކާރުން އެންމެ ބޮޑު އިސްކަމެއް ދޭނެ އެއް ކަންތައް ކަމަށް ވިދާޅުވި އެވެ.
މިނިސްޓަރ ވިދާޅުވި ގޮތުގައި އޭ ލެވެލް އަށް ކިޔަވަން ބޭނުންވާ ދަރިވަރުންނަށް ދިމާވާ އެންމެ ބޮޑު ގޮންޖެހުމަކީ އޭ ލެވެލް އަށް ވަދެވޭ ކްރައިޓީރިއާގައިވާ 5 މާއްދާ ނުވަތަ 3 މާއްދާއިން ފާސްނުވުން ކަމަށެވެ.
އެގޮތުން ކުރެވުނު މަސައްކަތުގެ ދަށުން ރާއްޖޭގެ 23 ސްކޫލެއްގައި މިހާރު ވަނީ 3 މާއްދާއިން ނުވަތަ 2 މާއްދާއިން ފާސްވި ދަރިވަރުންނާ ވެސް އެކުގައި، ގިނަ ދަރިވަރުންނަށް އޭ ލެވެލް އަށް ކިޔެވުމުގެ ފުރުޞަތު ފަހިކޮށް ދީފައިވާކަން މިނިސްޓަރު ފާހަގަ ކުރެއްވި އެވެ. އެގޮތުން ހުޅުވާލި ފުރުޞަތާއެކު، މިއަހަރު ސަރުކާރު ސްކޫލުތަކުގައި އަލަށް 2000 އަށް ވުރެ ގިނަ ދަރިވަރުން އޭ ލެވެލް އަށް ކިޔަވަމުން ދެ އެވެ.
މިއީ މިދިޔަ އަހަރާ އަޅާ ބަލާއިރު 77 ޕަސެންޓް އިތުރުވުމެކެވެ.
އަލަށް ކިޔަވައި ދޭން ފެށި 23 ސްކޫލާއެކު، އޭ ލެވެލް އަށް ކިޔަވައިދޭ 45 ސަރުކާރު ސްކޫލް މިހާރު ރާއްޖޭގެ އެކި ހިސާބުތަކުގައި އެބަހުއްޓެވެ.