އެވިޑް އިންޓަނޭޝަނަލް ސްކޫލުގެ ނަމުގައި ހއ. ހޯރަފުށީގައި ގާއިމުކުރި ސްކޫލަށް ކުދިން ވައްދަން ހުުޅުވާލައިފި އެވެ.
އިއްޔެ ވަނީ މިކަމާ ގުޅޭ އޯޕަން ޑޭއެއް ވެސް ބާއްވައިފަ އެވެ.
އެވިޑް އިންޓަނޭޝަނަލް ސްކޫލަށް ވައްދަން ބޭނުންވާ ކުދިން ރިޖިސްޓްރީކުރުމުގެ ފުރުސަތު އޮންލައިންކޮށް ވެސް އޮތީ ހުޅުވާލައިފަ އެވެ.
މި ސްކޫލަކީ ހއ. އަތޮޅުގައި ކެމްބްރިޖާ ގުޅިގެން އާލީ ލާނާސް ކަރިކިއުލަމަށް އެންމެ ފުރަތަމަ ކިޔަވައިދޭ ގޮތަށް ހުޅުވާ ސްކޫލެކެވެ. އާ ސުކޫލްގައި އެންމެ ފުރަތަމަ ކިޔަވައި ދޭން ހަމަޖެހިފައި ވަނީ ބޭބީ ނާސަރީ، ނާސަރީ، އެލްކޭޖީ އަދި ޔޫކޭޖީގެ ކުލާސްތަކެވެ.
އެވިޑް އިންޓަނޭޝަލް ސްކޫލުގެ އިމާރާތާއި އައުޓްޑޯ ޕްލޭ އޭރިއާގެ ތަކެއްޗާއި ފަރުނީޗަރު ވެސް ހޯދައި ދިނީ ހއ. އަތޮޅު ކައުންސިލުންނެވެ. މި ސްކޫލު ހިންގުމުށް ވެސް އަތޮޅު ކައުންސިލުން އެހީތެރިކަން ލިބޭނެ ކަމަށް ހޯރަފުށީ ކައުންސިލުން ބުންޏެވެ.
ހޯރަފުށީގެ އެވިޑް އިންޓަނޭޝަނަލް ސްކޫލް ވަރަށް އަވަހަށް ރަސްމީކޮށް ހުޅުވައި ކިޔަވައި ދިނުމުގެ ތައްޔާރީތައް މިހާރު އަންނަނީ ވަމުންނެވެ.
ރާއްޖޭގެ އެންމެ މަގުބޫލު ޕްރައިވެޓް ކޮލެޖްތަކުގެ ތެރޭގައި ހިމެނޭ އެވިޑުން ކެމްބްރިޖާ ގުޅިގެން ހޯރަފުށީގައި ހުޅުވިާިންޓަނޭޝަނަލް ސްކޫލާ ބެހޭ ގޮތުން އެވިޑް ކޮލެޖްގެ ޗެއާމަން އަދި އެވިޑް އިންޓަނޭޝަނަލް ސްކޫލުގެ މަސްޢޫލުވެރިޔާ އަބްދުﷲ މުޝްތާޤް ރަޝާދު ވިދާޅުވީ، އިންޓަނޭޝަނަލް ސުކޫލެއް ނެތް ބޮޑެތި އާބާދީތައް ހުރި ސަރަހައްދުތަކުގައި ވީ އެންމެ އަވަހަކަށް އެ ޚިދުމަތް ފުޅާ ކުރަން މަސައްކަތްތަކެއް ވެސް ކުރައްވަމުން ގެންދަވާ ކަމަށެވެ.