މެޓަ އިން ރަޝިއާގެ ދައުލަތުގެ މީޑިއާތަކެއް ބޭރުކުރަން ނިންމައިފި އެވެ.
މާކް ޒަކަބާގްގެ ކުންފުނިން ބުނީ އެތަނުގެ ފޭސްބުކާއި އިންސްޓަގްރާމާއި ތުރެޑް އަދި ވަޓްސްއެޕް ފަދަ ޕްލެޓްފޯމްތަކުން ރަޝިއާގެ ދައުލަތުގެ މީޑިއާ އައުޓްކަތަކެއް ބޭރުކުރަން ނިންމީ އެކަމާ ގުޅޭ ގޮތުން ބަލަން ޖެހޭ ކަންކަން ވަރަށް ރަނގަޅަށް ބެލުމަށް ފަހު ކަމަށް ބުނެފައިވެ އެވެ.
އެގޮތުން މެޓަގެ ފްލެޓްފޯމްތަކުން ބޭރުކުރަން ނިންމި އައުޓްލެޓްތަކުގެ ތެރޭގައި އާރްޓީ އާއި ރަސިއާ ސެގޯޑިނިއާ ފަދަ މީޑިއާ ނެޓްވޯކްތައް ހިމެނެ އެވެ.
މެެޓަ އިން ބުނީ މިފަދަ ފިޔަވަޅެއް އަޅަން ނިންމީ ރަޝިއާ އިން އެހެން ގައުމުތަކާ ގުޅޭ ގޮތުން ހަގީގަތާ ހިލާފު ވާހަކަތައް ފެތުރުމާއި އެ ގައުމުން ޕްރޮޕެގަންޑާ ފަތުރަން މެޓަގެ ޕްލެޓްފޯމްތަކުގެ ބޭނުން ނަހަމަ ގޮތުގައި ބޭނުން ކުރަމުންދާތީ ކަމަށެވެ.
އެމެރިކާގެ މެޓަ އިން މިފަދަ ފިޔަވަޅެއް ރަޝިއާގެ މީޑިއާތަކަށް އެޅި އިރު، މި އަހަރު ބާއްވާ އެމެރިކާގެ ރިޔާސީ އިންތިހާބަށް ރަޝިއާ އިން ނުފޫޒު ފޯރުވަން އުޅޭ ކަމަށް އެމެރިކާ އިން ތުހުމަތުކޮށްފައިވެ އެވެ. އެގޮތުން އިންތިހާބަށް ނުފޫޒު ފޯރުވުމުގެ ގޮތުން އާރްޓީ މުވައްޒަފުންތަކެއް، އެމެރިކާގެ މީޑީއާއެއް ކަމަށްވާ ޓެނެޓް މީޑިއާ އަށް 9.7 މިލިއަނެއްހާ ޑޮލަރު ހަރަދުކޮށްފައިވާ ކަމަށް ތުހުމަތުކޮށްފައިވެ އެވެ.
އަދި މިކަމާ ގުޅިގެން އާރްޓީގެ ދެ މުވައްޒަފަކަށް އެމެރިކާ އިން މަނީ ލޯންޑްރިންގެ ދައުވާ ދާދި ފަހުން ކޮށްފައިވެ އެވެ.