ރައްޔިތުންގެ މަޖިލީހުގެ މި އަހަރުގެ ތިން ވަނަ ދައުރުގެ ޖަލްސާތައް އޮކްޓޫބަރު 7 ވަނަ ދުވަހު ފަށަން ނިންމައިފިއެވެ.
ރައްޔިތުންގެ މަޖިލިސް މިވަގުތު އޮތީ ދެވަނަ ދައުރުގެ މަސައްކަތް ނިންމުމަށްފަހު ޗުއްޓީގައެވެ.
ރައްޔިތުންގެ މަޖިލީހުގެ ދައުރުން ބޭރުން މިއަދު ބޭއްވި ޖަލްސާ ނިންމަވާލެއްވުމަށްފަހު މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ތިން ވަނަ ދައުރުގެ ޖަލްސާތައް ފެށުމަށް ގަސްތުކުރަނީ އޮކްޓޫބަރު 7 ވަނަ ދުވަހު ކަމަށެވެ.
ރައްޔިތުންގެ މަޖިލީހުގެ ގަވައިދުގައި ބުނެފައިވަނީ މަޖިލީހުގެ، ފުރަތަމަ ދައުރު ހިނގާނީ ފެބުރުވަރީ މަހުގެ ފުރަތަމަ ދުވަހުން ފެށިގެން މޭ މަހުގެ ފަނަރަ ވަނަ ދުވަހުގެ ނިޔަލަށް ކަމަށެވެ. އަދި މަޖިލީހުގެ ދެވަނަ ދައުރު ހިނގާނީ ޖޫން މަހުގެ ފުރަތަމަ ދުވަހުން ފެށިގެން އޮގަސްޓު މަހުގެ ވަނަ ފަނަރަ ދުވަހުގެ ނިޔަލަށް އަދި ތިންވަނަ ދައުރު ހިނގާނީ އޮކްޓޫބަރު މަހުގެ ފުރަތަމަ ދުވަހުން ފެށިގެން ނޮވެންބަރު މަހުގެ ނިޔަލަށް ކަމަށް ގަވައިދުގައި ބުނެފައިވެއެވެ.