ބޭންކް އޮފް މޯލްޑިވްސް (ބީއެމްއެލް)ގެ ޗެއާމަންގެ މަގާމަށް ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ކެބިނެޓް އެފެއާޒް، އަހްމަދު އަލީ ހަބީބް އައްޔަން ކުރުމަށްޓަކައި ނަން ފޮނުވައިފިއެވެ.
ބީއެމްއެލްގެ ބޯޑަށް އަހްމަދު އަލީ ހަބީބް، ނޫވިލާގެ / އައްޑޫ، ހިތަދޫ އައްޔަނު ކުރުމަށް ސަރުކާރުން ހުށަހެޅިއިރު އެ ބޭންކްގެ އެކްސްޓާ އޯޑިނަރީ ޖެނެރަލް މީޓިން (އީޖީއެމް) އޮންނާނީ ހޮނިހިރު ދުވަހުއެވެ.
މީގެއިތުރުން ބީއެމްއެލްގެ ބޯޑަށް އަލީ އިރުފާން އަދި ޕެންޝަން އޮފީހުގެ ކުރީގެ ސީއެފްއޯ މުހައްމަދު ޝާހިދު އައްޔަނު ކުރުމަށްވެސް ސަރުކާރުން ހުށަހަޅާފައިވެއެވެ.
އެމްއެމްއޭ އިން މިފަހުން ގެނައި ބަދަލަކާއެކު ސިޔާސީ މަގާމުތަކުގައި ތިއްބަވާ ފަރާތްތަކަށް ވެސް މާލީ އިދާރާތަކުގެ މަގާމުތައް އަދާކުރެވޭނެއެވެ.
މިފަހުން ބީއެމްއެލްގެ ބީއެމްއެލްގެ ސީއީއޯ އަދި މެނޭޖިން ޑިރެކްޓަރުގެ މަގާމުގައި ހުންނެވި ކާލް ސްޓުމްކަ ވަނީ މަގާމުން އިސްތިއުފާ ދެއްވާފައެވެ. ބީއެމްއެލްގެ ސީއީއޯ އިސްތިއުފާ ދެއްވާފައި ވަނީ ބީއެމްއެލްއާއި އިދިކޮޅު ފަރާތްތައް ގުޅިގެން މާލީ ބަގާވާތެއް ކުރަން އުޅުނު ކަމަށް ސަރުކާރަށް ނިސްބަތްވާ ފަރާތްތަކުން ތުހުމަތު ކުރަމުންދަނިކޮށެވެ. އަދި ފުލުހުންވެސް ވަނީ ސަރުކާރު ބަދަލުކުރުމަށް މަސައްކަތްތަކެއް ކުރިކަމަށް ބުނާ މައްސަލަ ތަހުގީގު ކުރަން ފަށާފައެވެ.