މި އަހަރުގެ މިހާތަނަށް ރާއްޖެ ޒިޔާރަތްކުރި ޓޫރިސްޓުންގެ އަދަދު 1.4 މިލިއަނަށް އަރައިފި އެވެ.
ޓޫރިސްޓް އެރައިވަލްސްގެ އެންމެ ފަހުގެ ތަފާސްހިސާބުތައް ދައްކާ ގޮތުން މި މަހުގެ 15 އާ ހަމައަށް ރާއްޖެ އަށް ޖުމްލަ 1،421،769 ޓޫރިސްޓުން އައިސްފައިވެ އެވެ.
ފާހަގަކޮށްލެވޭ އަނެއް ކަމަކީ އިތުރު ގައުމަކިން އައި ޓޫރިސްޓުންގެ އަދަދު މިހާރު 100،000 އިން މައްޗަށް އަރާފައިވާކަމެވެ. އެއީ މިހާރު ރާއްޖެ އަށް އެންމެ ގިނަ ޓޫރިސްޓުން އަންނަ 10 ގައުމުގެ ލިސްޓްގައި 5 ވަނައިގައި އޮތް ޖަރުމަނުންނެވެ. މި މަހުގެ 15 އާ ހަމައަށް އެ ގައުމުން 100،420 ޓޫރިސްޓުން އައިސްފައިވެ އެވެ.
މީގެ އިތުރުން ޗައިނާ މިހާތަނަށް އައި ޓޫރިސްޓުންގެ އަދަދު މިހާރު ވަނީ 200،000 އަރައިފަ އެވެ. އެންމެ ގިނަ ޓޫރިސްޓުން އަންނަ ގައުމުގެ ގޮތުގައި އޮތް ޗައިނާ އިން މިހާތަނަށް 207،749 ޓޫރިސްޓުން އައިސްފައިވެ އެވެ. ދެވަނައިގައި އޮތް ރަޝިއާ އިން 154،178 ޓޫރިސްޓުން އައިސްފައިވާ އިރު، ތިން ވަނައިގައި އޮތް އިނގިރޭސިވިލާތުން 121،903 ޓޫރިސްޓުން އަދި އިޓަލީން 103 752 ޓޫރިސްޓުން އައިސްފައިވެ އެވެ.
ދެން އެންމެ ގިނަ ޓޫރިސްޓުން އައި ގައުމުތަކުގެ ތެރޭގައި ހިމެނެނީ އިންޑިއާ (85،894 ޓޫރިސްޓުން)، އެމެރިކާ (48،180 ޓޫރިސްޓުން)، ފްރާންސް (40،196 ޓޫރިސްޓުން)، ސްޕެއިން (31،885 ޓޫރިސްޓުން) އަދި ސްވިޓްޒަލޭންޑް (26،441 ޓޫރިސްޓުން) އެވެ.
ރާއްޖޭގެ މި އަހަރުގެ ޓާގެޓަކީ 2 މިލިއަން ޓޫރިސްޓުން ގެނައުމެވެ. މިދިޔަ އަހަރު 1.8 މިލިއަން ޓޫރިސްޓުން އަ އެވެ.