ފެނަކައިގެ ޑެޕިއުޓީ މެނޭޖިން ޑިރެކްޓަރު (ޑީއެމްޑީ) ގެ މަގާމުން މިދިޔަ މަހު ވަކިކުރި އިބްރާހިމް ނާއިފް ވެމްކޯގެ ޑީއެމްޑީފގެ މަގާމަށް އައްޔަންކޮށްފި އެވެ.
އޭނަ ފެނަކަ އިން މިދިޔަ މަހުގެ ކުރީކޮޅު ވަކިކުރި ނަމަވެސް ސަބަބެއް ހާމަކޮށްފައެއް ނުވެ އެވެ. ނާއިފު ފެނަކައިގެ ޑީއެމްޑީއަކަށް އައްޔަންކުރީ މިދިޔަ އަހަރުގެ ޑިސެމްބަރު މަހުގެ ކުރީކޮޅު އެވެ.
ނާއިފް ވެމްކޯގެ ޑީއެމްޑީއަކަށް އައްޔަން ކުރުމާ ގުޅިގެން އެ ކުންފުނިން މިއަދު ސޯޝަލް މީޑިއާ ޕޯސްޓެއްގައ މަރުހަބާ ވެސް ކިޔާފައިވެ އެވެ. އެ ޕޯސްޓްގައި ވެމްކޯ އިން ބުނީ ނާއިފްގެ ލީޑާޝިޕާއި ތަސައްވުރާ އެކީ ކުންފުންޏަށް އިތުރު ކުރިއެރުންތަކެއް އަންނާނެ ކަމަށް ގަބޫލުކުރާ ކަމަށެވެ.