ދިވެހި ފަންނުވެރިންނަށް އެހީވާން ކްރިއޭޓިވް އިކޮނޮމީ ފަންޑެއް ސަރުކާރުން ތަޢާރަފްކޮށްފި އެވެ.
ދަރުބާރުގޭގައި ރޭ ބޭއްވި ޚާއްސަ ރަސްމިއްޔާތުގައި މި ފަންޑު އިފްތިތާހުކޮށްދެއްވީ އިކޮނޮމިކް މިނިސްޓަރު މުހައްމަދު ސައީދު އެވެ.
ބިޒްނަސް ސެންޓާ ކޯޕަރޭޝަން (ބީސީސީ) އިން ބަލަހައްޓާ މި ފަންޑުން އެހީތެރިވެދޭން ނިންމާފައިވަނީ ފިލްމް އުފައްދާ ފަރާތްތަކާއި މިއުޒިކް އުފައްދާ ފަރާތްތައް އަދި ކްރިއޭޓިވް ކޮންޓެންޑް އުފައްދާ ފަރާތްތަކާއި އާޓް އެންޑް ކްރާފްޓް ފަރާތްތަކަށެވެ. މި ފަންޑުން ކޮންމެ ފަރާތަކަށް ވެސް ދޫކުރާނީ 50،000 ރުފިޔާ އާއި 3 ލައްކަ ރުފިޔާއާ ދެމެދުގެ އަދަދެކެވެ.
މި ފަންޑަށް ކުރިމަތިވާން އަންނަ މަހުގެ 10 ވަނަ ދުވަހު ހުޅުވާލާނެ އެވެ.
މި ފަންޑު އިފްތިތާހުކުރުމުގެ އިތުރުން ކުރިއަށް އޮތް 5 އަހަރަށް ކްރިއޭޓިވް އިކޮނޮމީގެ މަސައްކަތް ކުރިއަށްގެންދާނެގޮތުގެ މަގުޗާޓެއް ވެސް ރޭގެ ރަސްމީއްޔާތުގެ ތެރެއިން އިފްތިތާހްކޮށްފައިވެ އެވެ.