ޗައިނާގެ މަޝްހޫރު ޓެކް ކުންފުނި، ވާވޭ އިން ދުނިޔޭގެ އެކި ޤައުމުތަކުގެ ޒުވާނުންނަށް އައިސީޓީ ދާއިރާއިން ތަމްރީނު ފޯރުކޮށް ނުމަށް "ސީޑްސް ފޮ ދަ ފިއުޗާ" ގެ ނަމުގައި ހިންގާ ޕްރޮގްރާމަގައި ދިވެހި ހަތަރު ދަރިވަރުން ބައިވެރިވެއްޖެ އެވެ.
މި ޕްރޮގްރާމާއި ގުޅޭގޮތުން މަޢުލުމާތު ޙިއްސާކުރުމަށާއި، ހޮވުނު ދަރިވަރުންގެ އަގުވަޒަންކުރުމުގެ ގޮތުން ހަޔަ އެޑިއުކޭޝަން މިނިސްޓްރީގައި ވަނީ ހަފުލާއެއް ވެސް ބާއްވައިފަ އެވެ. އެ ހަފުލާގައި، "ސީޑްސް ފޮ ދަ ފިއުޗާ" ގައި ބައިވެރިވުމުގެ ފުރުސަތު ލިބުނު ލިބުނު ދަރިވަރުންނަށް މަރުހަބާ ކިޔާފައިވެ އެވެ.
ދުނިޔޭގެ އެކި ޤައުމުތަކުގެ ޒުވާނުންނަށް އައިސީޓީ ދާއިރާއިން ތަމްރީނު ފޯރުކޮށް ދިނުމަށް ހުޅުވާލި ފުރުސަތު ލިބުނު ދިވެހި ދަރިވަރުންގެ ތެރޭގައި ހިމެނެނީ ގައުމީ ޔުނިވާސިޓީގެ ދަރިވަރެއް ކަމަށްވާ ޔޫސުފް މިޒާން މުޙައްމަދާއި އެވިޑް ކޮލެޖްގެ ދަރިވަރެއް ކަމަށްވާ ހަމްނާ ހުސައިނާއި ވިލާ ކޮލެޖްގެ ދެ ދަރިވަރުން ކަމަށްވާ، އައިޝަތު އަލްޔާގެ އިތުރުން އައިޝަތު މުޝީރާ އެވެ.
ވާވޭ އިން އެމި ދަރިވަރުންނަށް "ސީޑްސް ފޮ ދަ ފިއުޗާ" ޕްރޮގްރާމްގައި ބައިވެރިވުމުގެ ފުރުސަތު ދިނީ ދަރިވަރުންގެ ތަޢުލީމީ ފެންވަރާއި ނަތީޖާ އަށް ބެލުމަށް ފަހު ކަމަށް މިނިސްޓްރީން ބުންޏެވެ.