މި ސަރުކާރުން ހިންގަން ނިންމާފައިވާ އެންމެ ބޮޑު އެއް މަޝްރޫއު ކަމަށްވާ ރަސްމާލެ މަޝްރޫއު ކާމިޔާބު ކުރެވޭނެ ކަމަށް ސަރުކާރުން ބުނެފި އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަވުމުގައި ތަރުޖަމާނު ހީނާ ވަލީދުވީ، ރަސްމާލެ އަކީ ބޯހިޔާވަހިކަމުގެ މައްސަލަ ޙައްލުކުރުމަށް ސަރުކާރުން ގެންގުޅުއްވާ ތަސައްވުރުގައި ހިމެނޭ އެންމެ ބިޔަ މަޝްރޫއަށްވާތީ އާއި މިއީ ރައީސް ޑރ. މުހައްމަދު މުއިއްޒުގެ ރިޔާސީ ވައުދަކަށް ވެސް ވާތީ އެ މަޝްރޫއަކީ ކުރިއަށް ގެންދެވޭނެ މަޝްރޫއެއް ކަމަށެވެ.
އޭނަ ވިދާޅުވީ މުޢިއްޒު ވެރިކަމާއި ހަވާލުވެވަޑައިގަތުމަށް ފަހު ރަސްމާލެ މަޝްރޫޢުގެ މަސައްކަތަށް ބޭނުންވާ 400 މިލިއަން ރުފިޔާ ބަޖެޓުގައި ހިމަނައިދެއްވުމަށް 19 ބަނަ ހުށައެޅުއްވި ކަމަށާއި ނަމަވެސް އޭރުގެ މަޖިލީހުގެ މެޖޯރިޓީ އޮތް އެމްޑީޕީން އެ ފައިސާ ބަޖެޓުގައި ހިމަނަން ދެކޮޅު ހެދީ ކަމަށެވެ.
ހިނާ ވިދާޅުވީ އެމްޑީޕީން ރަސްމާލެ މަޝްރޫއުގެ ފައިސާގެ ބަޖެޓުގައި ހިމަނަން ދެކޮޅު ހެދިނަމަވެސް، މަޝްރޫޢު އަވަހަށް ނިންމުމަށް ސަރުކާރުން ގިނަ މަސައްކަތްތަކެއް ކުރި ކަމަށެވެ. ނަމަވެސް ދިމާވި ބައެއް ދަތިތަކާ ހެދި ގުޅިގެން މަޝްރޫޢުގެ މަސައްކަތް ސަރުކާރުން އެންމެ ބޭނުންވި ގޮތަށް ބާރަށް ކުރިއަށް ގެންދެވިފައި ނުވާ ކަމަށް ލަސްވެފައިވާކަން ސަރުކާރުން ވިދާޅުވި އެވެ.
ހީނާ ވިދާޅުވި ގޮތުގައި އެ ސަބަބުތަކާ ހުރެ މަޝްރޫއުގެ ޓައިމްލައިންތަކަށް ބަދަލުތަކެއް އައިނަމަވެސް، އެ މަޝްރޫޢު އައު ނަމަވެސް ސަރުކާރުން ރޭވި ގޮތަށް މަޝްރޫއު ކުރިއަށްގެން ދާނެކަމުގެ ޔަގީންކަން ރައްޔިތުންނަށް ދެއްވާކަމަށެވެ.
"ވަރަށް ކާމިޔާބު މަޝްރޫޢުއެއްގެ ގޮތުގައި މަޝްރޫޢު ކުރިއަށްދާނެ." ހީނާ ވިދާޅުވިއެވެ.
ރަސްމާލެ މަޝްރޫޢުގެ އަމަލީ މަސައްކަތް އިފުތިތާހުކުރީ ޑިސެމްބަރު 18 ގަ އެވެ. އޭރު މަސައްކަތް ކުރީ 10 މަހުން ބިން ހިއްކުމުގެ މަސައްކަތް ނިންމުމަށެވެ. ނަމަވެސް ދިމާވި މައްސަލަތަކެއްގެ ސަބަބުން، ބައެއް ބަދަލުތައް ޕްރޮޖެކްޓަށް ގެންނަން ޖެހި މަސައްކަތްތައް ކަސްވެފައިވެ އެވެ.
ރަސްމާކެ މަޝްރޫޢުގައި 1،153 ހެކްޓަރުގެ ބިން ހިއްކުމަށް ހަމަޖެހިފައިވެ އެވެ. އަދި އެތަނަކީ 65،000 މީހުންނަށް ބޯހިޔާވަހިކަން ފަހިކޮށް ދެވޭނެ ތަނަކަށް ވާނެ ކަމަށް ސަރުކާރުން ބުނެ އެވެ.