މި މަހުގެ ކުރީކޮޅު އެމެޒޯން ޕްރައިމް ވީޑިއޯ އިން ޕްރީމިއާކުރި ބޮލީވުޑްގެ ޒުވާން ބަތަލާ އަނަންޔާ ޕާންޑޭގެ ފުރަތަމަ ވެބް ސީރީޒް "ކޯލް މީ ބޭ" ދެވަނަ ސީޒަނަކަށް ދަންމައިލަން ނިންމައިފި އެވެ.
މިކަން މިއަދު އިއުލާންކޮށް ބުނީ ދެވަނަ ސީޒަން ޑިވެލޮޕް ކުރުމުގެ މަސައްކަތް މިހާރު ކުރިއަށްދާ ކަމަށެވެ.
ޒުވާން އަންހެނެއްގެ ޕޮޝް ލައިފްސްޓައިލް ދައްކުވައި ދިން "ކޯލް މީ ބޭ" އަކީ ކަރަން ޖޯހަރްގެ ދަރުމާ ޕްރޮޑަކްޝަންގެ ވެބް ކޮންޓެންޓް ގޮފި، ދަރުމެޓިކް އެންޓަޓައިންމަންޓްގެ އުފެއްދުމެކެވެ.
ބެލުންތެރިންގެ ބޮޑު ތަރުހީބެއް ލިބުނު ސީރީޒް ޑައިރެކްޓްކުރީ ކޮލިން ޑި ކަންހާ އެވެ. އަށް އެޕިސޯޑްގެ މި ކޮމެޑީ ޑްރާމާ ސީރީޒްގެ މުގުލުގައި ހުފރީ މިދިޔަ އަހަރު ރިލީޒްކުރި ކަރަންގެ ފިލްމު "ރޮކީ އޯރް ރާނީ ކީ ޕްރޭމް ކަހާނީ" ގެ ސްކްރީންޕްލޭގައި ހިއްސާވި އިޝިތާ މޮއިތުރާ އެވެ.
މި މަހުގެ 6 ގައި ޕްރީމިއާކުރި "ކޯލް މީ ބޭ" ކާސްޓްގައި ވީރް ދާސް، ވަރޫން ސޫދު އަދި ގުރްފަތޭ ޕިރްޒާދާ، ނިހާރިކާ ލީރާ ދަތު، މިނީ މާތޫރު، މުސްކާން ޖެފްރީ، ވިހާން ސަމަތު އަދި ލީސާ މިޝްރާ ފަދަ ފަންނާނުން ހިމެނެ އެވެ.