ގއ. ވިލިނގިލީގައި ސަރުކާރުން ކުރިއަށް ގެންދާ ބޯހިޔާވަހިކަމުގެ މަޝްރޫއުގެ ދަށުން ހަދަމުން އަންނަ 50 ހައުސިން ޔުނިޓު އެޅުމުގެ މަސައްކަތުގެ 53 ޕަސެންޓް ނިމިއްޖެ އެވެ.
ޑިޒައިނިން އެންޑް ބިޑް އުސޫލުން ކުރިއަށް ގެންދާ އެ މަޝްރޫއަކީ ދޮންބޭޒް ޕްރައިވެޓް ލިމިޓެޑާ ހަވާލުކޮށްގެން ކުރިއަށް ގެންދާ މަޝްރޫއެކެވެ. މަޝްރޫއު އެ ކުންފުންޏާ ހަވާލުކުރީ 2022 ގެ ޖޫން މަހުގެ ތެރޭގަ އެވެ.
ވިލިނގިލީގައި 50 ހައުސިން ޔުނިޓް އަޅަން ދޮންބޭޒްއާ ހަވާލުކުރީ 49 މިލިއަން ރުފިޔާއަށެވެ.
މި ހައުސިން ޔުނިޓުތައް އަޅަނީ 700 އަކަފޫޓުގެ ޖާގައެއްގައި ދެ ފަންގިފިލާގެ ހިމެނޭ ގޮތަށެވެ. އެގޮތުން ތިން ކޮޓަރި އާއި ތިން ފާހަނާ އާއި ސިޓިން ރޫމާއި ކާގެ އާއި ބަދިގެ، ލޯންޑްރީ އަދި ގުދަނެއްގެ އިތުރުން ކޮންމެ ޔުނިޓެއްގައި ބެލްކަންޏެއް ވެސް ހުންނާނެ އެވެ.
ހައުސިން މިނިސްޓްރީން ބުނީ ދިރިއުޅެން ވަރަށް ފަސޭހަކޮށް ހަދާ ޔުނިޓްތަކެއް ކަމަށެވެ. އެގޮތުން ހައުސިން ޔުނިޓް އަޅާ ސަރަހައްދުގައި ޕާކަކާއި ވެހިކަލް ޕާކިން ޒޯނެއް ވެސް ހަދާނެ އެވެ.