އަންނަ އަހަރުގެ މަހުގެ 8 އިން ފެށިގެން އިނގިރޭސިވިލާތަށް ދަތުރު ކުރެވޭނީ އިލެކްޓްރޯނިކް ޓްރެވަލް އޮތަރައިޒޭޝަން (އީޓީއޭ) ހޯދައިގެން ކަމަށް ފޮރިން މިނިސްޓްރީން ބުނެފި އެވެ.
އެ މިނިސްޓްރީން މިއަދު ނެރުނު ބަޔާނެއްގައި ބުނީ މިގޮތަށް ނިންމީ ބުނީ އިނގިރޭސިވިލާތުގެ ސަރުކާރުން އެ ގައުމުގެ އިމިގްރޭޝަން ގަވާއިދަށް ބަދަލުތަކެއް ގެނައުމަށް ނިންމާފައިވާތީ ކަމަށެވެ. އަދި އެ ބަދަލުތަކުގެ މައިގަނޑު މަގުސަދަކީ އެ ގައުމުގެ ބޯޑަރު ކޮންޓްރޯލް ސެކިއުރިޓީ ޑިޖިޓަލައިޒްކޮށް، އިތުރަށް ހަރުދަނާކޮށް، އިމިގްރޭޝަން ނިޒާމުގެ ނަހަމަ ބޭނުންކުރުން ހުއްޓުވައި، ގައުމަށް ތެރެވުމުގެގެ ކުރިން އިތުރު ސަލާމަތީ ފިޔަވަޅުތައް އެޅުމެވެ.
އެހެންވެ މި ބަދަލާ ގުޅިގެން ނޮވެމްބަރު މަހުގެ 27 ވަނަ ދުވަހުން ފެށިގެން، ރާއްޖެ ހިމެނޭ ގޮތަށް 49 ގައުމެއްގެ ރައްޔިތުންނަށް އީޓީއޭ ރިކުއެސްޓަޑށް ހުޅުވައިލަން އޮތީ ނިންމައިފަ އެވެ. އީޓީއޭއެއްގެ އަގަކީ 10 ޕައުންޑެވެ. އޭގެ މުއްދަތަކީ ދެ އަހަރެވެ.
މިނިސްޓްރީން ބުނީ އެ އީޓީއޭ މެދުވެރިކޮށް ކޮންމެ ދަތުރެއްގައި އެއްފަހަރާ ގިނަވެގެން ހަ މަސް ދުވަހަށް ވުރެ އިތުރުނުވާ ގޮތަށް ނުވަތަ ޕާސްޕޯޓް މުއްދަތު ހަމަވަންދެން އިނގިރޭސިވިލާތަށް މަލްޓިޕަލް ދަތުރު ކުރުމުގެ ހުއްދަ ދެވޭނެ ކަމަށެވެ.
އަދި އަންނަ އަހަރުގެ އެޕްރީލު މަހުގެ 2 އިން ފެށިގެން، އިނގިރޭސިވިލާތަށް ދަތުރުކުރާ، އެ ގައުމާއި އަޔަލެންޑްގެ ރައްޔިތުން ފިޔަވައި ހުރިހާ ގައުމެއްގެ ރައްޔިތުން ވެސް އިނގިރޭސިވިލާތަށް ދަތު ކުރުމުގެ ކުރިން އީޓީއޭ އަށް ރިކުއެސްޓް ކުރަން ނުޖެހޭ ގޮތަށް ހަމަޖައްސާފައިވެ އެވެ.
ފޮރިން މިނިސްޓްރީން ވަނީ އިނގިރޭސިވިލާތަށް ދަތުރުކުރާ ދިވެހިން ބަދަލުތަކަށް ސަމާލުވެ، އެ ގައުމުގެ އިމިގްރޭޝަން ގަވާއިދުތަކާ އެއްގޮތަށް އަމަލުކުރުމަށް އިލްތިމާސްކޮށްފަ އެވެ.