ބޮލީވުޑްގެ މަޝްހޫރު މިއުޒިކް ޑައިރެކްޓަރު/ލަވަކިޔުންތެރިޔާ ހިމޭޝް ރޭޝަމިއާގެ ބައްޕަ ވިޕިން ރޭޝަމިއާ މަރުވެއްޖެ އެވެ.
މީޑިއާތަކުން ބުނީ މިއުޒިކް ޑައިރެކްޓަރެއްގެ އިތުރުން ފްރޮޑިއުސަރެއްގެ ގޮތުގައި ވެސް ހިންދީ ސިނަމާ އަށް ހިދުމަތްކޮށް ދީފައިވާ ވިޕިން މަރުވީ ނޭވާލާން އުނދަގޫވެގެން އޭނަ އިއްޔެ މުމްބާއީގެ ހޮސްޕިޓަލެއްގައި އެޑްމިޓްކޮށް ފަރުވާ ދެމުން ދަނިކޮށް ކަމަށެވެ. މަރުވި އިރު، ވިޕިންގެ އުމުރަކީ 87 އެވެ.
އޭނަގެ ޖަނާޒާ މިއަދު ބާއްވަން ހަމަޖެހިފައިވެ އެވެ.
ހިމޭޝްގެ ބައްޕަ މަރުވުމާ ގުޅިގެން ފިލްމީ ދާއިރާގެ ވަރަށް ގިނަ ބަޔަކު އަންނަނީ އާއިލާ އަށް ތައުޒިޔާ ކިޔަމުންނެވެ.
ވިޕިން ޕްރޮޑިއުސްކޮށްފައިވާ ފިލްމުތަކުގެ ތެރޭގައި ހިމޭޝް ކުޅުނު 2016 ގެ "ތޭރާ ސުރޫރު" އާއި 2014 ގެ "ދި އެކްސްޕޯސް" ހިމެނެ އެވެ.