މާލެ ސަރަހައްދުގެ ސްޕާތަކަކުން ބިދޭސީ އަންހެނުންތަކެއް އަތުލައިގެންފި އެވެ.
އެގޮތުން އިއްޔެ އިމިގްރޭޝަނުގައި ކުރިއަށް ގެންދިޔަ އޮޕަރޭޝަނެއްގައި ޖުމްލަ 22 ތަނެއް ބަލައި ފާސްކޮށް ގަވާއިދާ ހިލާފަށް މަސައްކަތް ކުރަމުންދިޔަ ބިދޭސީ 7 އަންހެނަކު އެ އިދާރާގެ ބެލުމުގެ ދަށަށް ގެންގޮސްފައިވެ އެވެ. އަދި އެ މީހުންނަށް ވަޒީފާ ދިން ފަރާތްތަކުގެ ތެރެއިން ހަތް ފަރާތަކަށް ނޯޓިސް ވެސް ދީފައިވާ ކަމަށް އިމިގްރޭޝަނުން ބުންޏެވެ.
ދާދި ފަހުން ހިންގި އޮޕަރޭޝަންތަކެއްގައި ސްޕާތަކެއްގައި ގަވާއިދާ ހިލާފަށް މަސައްކަތް ކުރަމުން ދިޔަ ބަޔަކާއި ގަވައިދާ ހިލާފަށް ސެލޫން ގިންގަމުން ދިޔަ ބިދޭސީންތަކެއް އަތުލައި ގަނެ، އެ މީހުން ޑީޕޯޓްކޮށްފައިވެ އެވެ.