ފުލުހެއްގެ ގައިގައި ސައިކަލުން ޖެއްސުމަށްފަހު ފިލި މީހަކު ހައްޔަރުކޮށްފި އެވެ.
ފުލުހުން މިއަދު ބުނީ މިދިޔަ އަންގާރަ ދުވަހު ރޭ ހެންވޭރު ދަނޑު ކައިރީގައި ވީސީޕީގައި ފުލުހުން ހަރަކާތްތެރިވަމުން ދިޔައިރު، ޅ. ކުރެންދޫ މަގުމަތީގެ އަލީ ސަމާހް މުހައްމަދު 24އ. ބާރު ސްޕީޑްގައި ސައިކަލު ދުއްވުމުން އޭނާ ގާތު މަޑު ކުރަން ބުނުމުން ފުލުހެއްގެ ގައިގައި ސައިކަލުން ޖައްސައި މަޑުނުކޮށް ފިލައިގެން ގޮސްފައިވާ ކަަމަށެވެ.
މި މައްސަލައާ ގުޅިގެން އިއްޔެ ކޯޓު އަމުރެއްގެ ދަށުން އޭނާ ވަނީ ހައްޔަރުކޮށްފަ އެވެ.
އޭނާގެ ބަންދާއި މެދު ގޮތެއް ނިންމަށް މިއަދު ކްރިމިނަލް ކޯޓަށް ހާޒިރު ކުރުމުން އޭނާގެ ބަންދަށް 10 ދުވަސް ވަނީ ޖަަހައިފަ އެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.