ރާއްޖޭގައި ހާފިޒުން އިމްތިހާނުކުރާ ކޮމެޓީއަށް ފުރަތަމަ ފަހަރަށް އަންހެން ހާފިޒާއެއް އައްޔަން ކުރަން ނިންމައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ ހާފިޒުން އިމްތިހާން ކުރުމަށް ގުރުއާނާ ބެހޭ ގައުމީ މަރުކަޒުގައި އޮންނަ ކޮމިޓީއަށް އައްޔަން ކުރަން ނިންމި ބޭފުޅަކީ އައްޑޫ ހިތަދޫ މާވެލްސް، ލަތީފާ އަހުމަދު ކަމަށެވެ.
މިއީ މަރުކަޒުގެ މި ކޮމިޓީއަށް ގުރުއާން ހިތުދަސް އަންހެން ބޭފުޅަކު ހަމަޖެއްސެވި ފުރަތަމަ ފަހަރުކަން މިނިސްޓަރު ފާހަގަކުރެއްވި އެވެ.
މި ސަރުކާރުން އަންނަނީ ހާފިޒުން އުފެއްދުމަށް ވަރަށް ހާއްސަ އިސްކަމެއް ދީ، ކީރިތި ޤުރުއާން ހިތުދަސްކުރާ މީހުންނަށް ހިތްވަރު ވެސް ދެމުންނެވެ.