ދިވެހި ސަރުކާރުން ސްޓޭޓް ބޭންކް އޮފް އިންޑިއާ (އެސްބީއައި) އިން ގަނެފައިވާ 50 މިލިއަން ޑޮލަރު ދެއްކުން އެއް އަހަރަށް ފަސްކޮށްދީފި އެވެ.
ޓްރެޝަރީ ބޮންޑުގެ ގޮތުގައި ގަނެފައިވާ 50 މިލިއަން ޑޮލަރު ދެއްކުން ފަސްކޮށްދީފައި މިވަނީ ދިވެހި ސަރުކާރުން އިންޑިއާ ސަރުކާރުގައި އެދުމާ ގުޅިގެންނެވެ.
ފައިސާ ދެއްކުން ފަސްކޮށްދީފައިވާ މި ބޮންޑަކީ ކުރީގެ ރައީސް އިބްރާހީމް މުހައްމަދު ސޯލިހްގެ ސަރުކާރުން 2019 ވަނަ އަހަރު އިންޑިއާ ސަރުކާރާ އެކު ހަދާފައިވާ އެއްބަސްވުމެއްގެ ދަށުން ނަގާފައިވާ 200 މިލިއަން ޑޮލަރުގެ ބޮންޑްގެ ތެރޭގައި ހިމެނޭ އަދަދެކެވެ.
އެސްބީއައި އަށް ދައްކަންޖެހޭ 50 މިލިއަން ޑޮލަރު ދެއްކުން ފަސްކޮށްދީފައި މިވަނީ އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރު މިދިޔަ މަހުގެ ތެރޭގައި ރާއްޖެ އަށް ކުރެއްވި ރަސްމީ ދަތުރުފުޅުގައި މިކަމަށް އެދިފައި ވަނިކޮށެވެ.
އިންޑިއާ ސަރުކާރުގެ ނިންމުމަށް ޝުކުރު އަދާކޮށް ފޮރިން މިނިސްޓްރީން ނެރުނު ބަޔާނެއްގައި ވަނީ އިންޑިއާއާ ގުޅިގެން ކުރިއަށް އޮތް ތަނުގައި ވެސް މަސައްކަތް ކުރުމަށް ރާއްޖެ ތައްޔާރަށް އޮތް ކަމަށް ބުނެފަ އެވެ.