ދެން ބާއްވާ ރިޔާސީ އިންތިހާބެއްގައި ވާދަކުރައްވާނެ ކަމަށް މޯލްޑިވްސް ޑިވެލޮޕްމަންޓް އެލަޔަންސް އެމްޑީއޭ) ގެ ލީޑަރު އަހުމަދު ސިޔާމް މުހައްމަދު ސަން ސިޔާމު) ވާދަކުރައްވަން ނިންމަވައިފި އެވެ.
އެނގިފައިވާ ގޮތުގައި ދ. މީދޫގެ ދާއިރާގެ މަޖިލިސް މެންބަރުގެ ނިންމެވުމާ ގުޅިގެން އޭނަގެ ޕާޓީން މިހާރު އަންނަނީ މެންބަރުން އިތުރުކޮށް ރިޔާސީ އިންތިހާބަށް ތައްޔާރުވުމުގެ މަސައްކަތް ވެސް ފަށައިފަ އެވެ.
މިދިޔަ އަހަރު ބޭއްވި ރިޔާސީ އިންތިހާބުގައި ވެސް ވާދަކުރައްވަން ސިޔާމް ނިންމެވި އެވެ. އެކަމަކު ފަހުން އެ ނިންމުން ބަދަލު ކުރައްވައި އެމްޑީޕީގެ ކެންޑިޑޭޓް އަދި އޭރުގެ ރައީސް އިބްރާހީމް ސޯލިހަށް އިންތިހާބު ކާމިޔާބުކޮށް ދެއްވަން ސިޔާމާއި އޭނަގެ ޕާޓީން ވަރަށް ބޮޑަށް މަސައްކަތް ކުރެއްވި އެވެ.
ނަމަވެސް އިންތިހާބު ދެވަނަ ބުރަކަށް ދިއުމުން ސިޔާމާއި އެމްޑީއޭ، އެމްޑީޕީ ދޫކޮށް މިހާރުގެ ރައީސް ޑރ. މުހައްމަދު މުއިއްޒަށް އިންތިހާބު ކާމިޔާބުކޮށް ދޭން ޕީއެންސީއާ އެކީ މަސައްކަތް ކުރި އެވެ.
ދެން އޮންނަ ރިޔާސީ އިންތިހާބު އޮންނާނީ 2028 ގަ އެވެ. އެ އިންތިހާބުގައި ވާދަކުރައްވަން ނިންމަވާފައިވަކަން ރަސްމީކޮށް މިހާތަނަށް އިއުލާން ކުރައްވާފައިވާ ބޭފުޅަކީ ކުރީގެ ހޯމް މިނިސްޓަރު އުމަރު ނަސީރެވެ. އޭނަ މިދިޔަ އަހަރުގެ އިންތިހާބުގައި ވެސް އަމިއްލަ ގޮތުން ވާދަކުރެއްވި އެވެ.