މި އަހަރުގެ ރޯދަ މަހު ބޭއްވި އޮފީސް ޓެލެޑްރާމާ މުބާރާތުގެ އެންމެ މޮޅު ޑްރާމާގެ މަގާމު ގައުމީ ޔުނިވަސިޓީގެ "މަނާލް" އަށް ލިބިއްޖެ އެވެ.
ރާއްޖޭގެ ފިލްމީ ދާއިރާގައި ފާހަގަކޮށްލެވޭ އެކްޓަރެއް ކަމަށްވާ މުހައްމަދު ފައިސަލް ޑައިރެކްޓްކުރި ޑްރާމާ އިން ވަނަތައް ކެޓަގަރީތަކުގެ ތެރޭގައި ޔުނިވާސިޓީގެ ފެކަލްޓީ އޮފް އާޓްސްގެ ލެކްޗަރާ ޢާއިދާ ހައްމާދު އަށް އެންމެ މޮޅު ސަޕޯޓިން ބަތަލާ އާއި އެންމެ މޮޅު އާ ބަތަލާގެ އެވޯޑް ވެސް ލިބިފައިވެ އެވެ.
"މަނާލް" އެވޯޑް ގެންދިޔަ އިތުރު ކެޓަގަރީތަކުގެ ތެރޭގައި ފައިސަލަށް ލިބުނު އެންމެ މޮޅު ޑައިރެކްޓަރުގެ އެވޯޑާއި އަހުނަދު އަހުމަދސް ލިބުނު އެންމެ މޮޅު ސްކްރީންޕްލޭގެ އެވޯޑާއި އިބްރާހީމް ވިސާން (ކަނޑި) އަށް ލިބުނު އެންމެ މޮޅު ސިނަމަޓޯގްރަފީ އެވޯޑާއި ޑރ. ރާނާ އަހުމަަށް ލިބުނު އެންމެ މޮޅު ބަތަލާގެ އެވޯޑްގެ އިތުރުން އެންމެ މޮޅު އެޑިޓިން އަދި ބެލުންތެރިންގެ އެންމެ މަގުބޫލު ޑްރާމާގެ އެވޯޑް ހިމެނެ އެވެ.
ނެޝަނަލް ސެންޓަ ފޮ ދި އާޓްސް (އެންސީއޭ) އިންތިޒާމުކޮށްގެން ބާއްވާ އޮފީސް ޓެލެޑްރާމާ މުބާރާތުގައި ގައުމީ ޔުނިވަސިޓީ ވިދައިލި އިރު، މި އަހަރަކީ އެތަނުން މުބާރާތުގައި ބައިވެރިވި ފުރަތަމަ ފަހަރު ވެސް މެ އެވެ.