މި އަހަރުގެ ނޮވެމްބަރުގައި ރިލީޒްކުރަން ހަމަޖެހިފައިވާ އަޖޭ ދޭވްގަންގެ "ސިންގަން" ފްރެންޗައިޒްގެ ތިން ވަނަ "ސިންގަމް އެގެއިން" ގައި ސަލްމާން ޚާންގެ ވަރަށް ހާއްސަ ފެނިލުމެއް ހިމެނޭނެ ކަމަށް ރިޕޯޓްތައް ބުނެފި އެވެ.
ބޮލީވުޑްގެ ޚަބަރުތައް ގެނެސްދޭ ބައެއް މީޑިއާތަކުން ބުނީ ޑަިއރެކްޓަރު ރޯހިތު ޝެޓީގެ ކޮޕް ޔުނިވާސް އަށް ނިސްބަތްވާ ފިލްމުން އޭނަ ފެންނާނީ މަޝްހޫރު ފުލުސް ކެރެކްޓާ ޗުލްބުލް ޕާންޑޭގެ ގޮތުގައި ކަމަށެވެ. އެ ކެރެކްޓާ އަކީ "ދަބަންގް" ފްރެންޗައިޒްގައި ސަލްމާން ކުޅޭ ކެރެކްޓާ އެވެ.
އޭގެ ވަރަށް ކާމިޔާބު ތިން ފިލްމެއް މިހާތަނަށް ގެނެސްދީފައިވެ އެވެ.
"ސިންގަމް އެގެއިން" އިން ސަލްމާން ފެނުން ވާނީ ރޯހިތުގެ ފިލްމަކުން އޭނަ ފެންނަ ފުރަތަމަ ފަހަރަށެވެ. ނަމަވެސް އަޖޭއާ އެކީ ސަލްމާން ފިލްމުތަކެއް ކުޅެފައިވެ އެވެ. އެގެ ތެރޭގައި "ހަމް ދިލް ދޭ ޗުކޭ ސަނަމް" އާއި "ލަންޑަން ޑްރީމްސް" ހިމެނެ އެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ އަދި މަޝްހޫރު ގިނަ ތަރިންތަކެއް ފެންނާނެ "ސިންގަމް އެގެއިން" ސިނަމާތަކަށް ގެންނާނީ ނޮވެމްބަރުގައި ފާހަގަކުރާ ދިވާލީގެ ތެރޭގަ އެވެ. މީގެ ކާސްޓްގައި ދީޕިކާ ޕަދްކޯން، އަރުޖުން ކަޕޫރް، ކަރީނާ ކަޕޫރް، ޓައިގާ ޝްރޮފް އަދި އޭނަގެ ބައްޕަ ޖެކީ ޝްރޮފް ވެސް ހިމެނެ އެވެ.
މީގެ އިތުރުން ރޯހިތުގެ ކޮޕް ޔުނިވާސް އަށް ނިސްބަތްވާ "ސިމްބާ" ގެ ބަތަލު ރަންވީރު ސިންގް އާއި "ސޫރިއަވަންޝީ" ގެ ބަތަލު އަކްޝޭ ކުމާރު ވެސް ފިލްމުން ފެންނާނެ އެވެ.