ޑޭޓާ ޝެއަރިނގއާ ގުޅޭގޮތުން ދުނިޔޭގެ ވޯލްޑް ބޭންކްގެ އިސްވެރިންނާ މަޝްވަރާކޮށްފި އެވެ.
ހޯމް މިނިސްޓްރީން ބޭއްވި އެ މަޝްވަދރާ ބައްދަލުވުމުގައި މިނިސްޓަރު ޢަލީ އިޙްސާނާއި އާއި އެ މިނިސްޓްރީގެ ސްޓޭޓް މިނިސްޓަރ ޑރ. މުޙައްމަދު ކިނާނަތު، ވޯލްޑް ބޭންކުގެ ފަރާތުން ރާއްޖެ ވަޑައިގެން އުޅުއްވާ އިސް ބޭފުޅުން ބައިވެރިވެވަޑައިގަތެވެ.
ބައްދަލުވުމުގައި މަޝްވަރާކުރެއްވި ކަންކަމާ ގުޅޭގޮތުން ވާހަކަ ދައްކަވަމުންކިނާނަތު ވިދާޅުވީ ޑިޖިޓަލް މޯލްޑިވްސް ފޮރ އެޑަޕްޓޭޝަން، ޑީސެންޓްރަލައިޒޭޝަން އެންޑް ޑައިވަސިފިކޭޝަން (ޑީމެޑް) ޕްރޮޖެކްޓް ރީ-ސްޓްރަކްޗަކޮށްގެން ކުރިއަށްގެން ދާނެ ގޮތާއި ޑޭޓާ ޕްރައިވަސީ އެންޑް ޑޭޓާ ޕްރޮޓެކްޝަންގެ ބިލާއި ސައިބާ ސެކިއުރިޓީ ބިލުގެ މުހިންމު ކަމުގެ މައްޗަށް ބިނާކޮށް މަޝްވަރާކު ރެވުނު ކަމަށެވެ.
"އެހެންވެ ދެން ކުރިއަށް އޮތީ ސްޓޭކްހޯލްޑަރުންނާއެކު ބިލުތައް މަޝްވަރާކުރުމުގެ މަސައްކަތްތައް ކުރުން. އެއީ ވެސް ވޯލްޑް ބޭންކުގެ އެހީގައި،" އޭނަ ވިދާޅުވި އެވެ. "ހިލޭ އެހީގެ ދަށުން އެކަން ވެސް ކުރެވޭ ގޮތަށް އޮތީ. ޑޭޓަ ޝެއަރިންގެ މުހިންމު ކަމުގެ ވާހަކަ ވެސް ދެކެވުނު."
ޑިޖިޓަލް މޯލްޑިވްސް އެޑަޕްޓޭޝަން، ޑީސެންޓްރަލައިޒޭޝަން އެންޑް ޑައިވަސިފިކޭޝަން ޕްރޮޖެކްޓް ކުރިއަށް ގެންދިއުމަށް ވޯލްޑް ބޭންކުން ދިން އެހީގެ އެއްބަސްވުމުގައި ސޮއިކޮށްފައި ވަނީ ޖުލައި 4، 2022 ގަ އެވެ.
ރައީސް ޑރ. މުހައްމަދު މުއިއްޒު މިދިޔަ އަހަރުގެ ނޮވެމްބަރުގައި 17 ގައި ސަރުކާރާ ހަވާލުވެޑައިގަތުމާ ގުޅިގެން ސަރުކާރުގެ އިދާރާތަކަށް ގެނެވުނު ބަދަލާއ އެކު، ޓެކްނޮލޮޖީގެ މެންޑޭޓް ހޯމްލޭންޑް މިނިސްޓްރީ އަށް ބަދަލުކުރެވުމާއި ގުޅިގެން، އޯގަސްޓް 20، 2024 ގައި ޑީމެޑް މަޝްރޫޢު ވަނީ އެ މި މިނިސްޓްރީ އަށް ބަދަލުކޮށްފަ އެވެ.
މި މަޝްރޫޢު އަކީ ވޯލްޑް ބޭންކްގެ 10 މިލިއަން ޑޮލަރުގެ ހިލޭ އެހީގެ ދަށުން ހިންގާ ޕްރޮޖެކްޓެކެވެ.
މި ޕްރޮޖެކްޓުގެ ދަށުން އިޖްތިމާއި އަދި އިޤްތިސާދީގޮތުން އިތުރު ފުރުސަތުތައް ފަހި ކޮށްދިނުމަށްޓަކައި، އިންޓަނެޓް ފަދަ މުވާސަލާތީ ވަސީލަތްތައް ރެގިއުލޭޓްކުރުމަށްޓަކައި ބޭނުންވާ ޤާނޫނީ އޮނިގަނޑާއި ޓެކްނިކަލް ސެޓްއަޕް ޤާއިމްކުރުމާއި، މި މަސައްކަތް ކުރަމުންދާ ދައުލަތުގެ މުވައްސަސާތަކުގެ ޓެކްނިކަލް ކެޕޭސިޓީ އިތުރުކުރުން ހިމެނެ އެވެ.
އަދި ޒަމާނީ ޑިޖިޓަލް ޓެކްނޯލޮޖީ ބޭނުންކޮށްގެން ސަރުކާރުގެ ޚިދުމަތްތަކުގެ ފެންވަރު މަތިކުރުމަށް ޓަކައި ޑިޖިޓަލް އައިޑީގެ ނިޒާމާއި ޤާއިމްކުރުމާއި މޫސުމީ ޑާޓާ އަކީ ސިޔާސަތުތައް ކަނޑައެޅުމުގައި ބޭނުންކުރެވޭ ވަސީލަތަކަށް ހެދުމަށްޓަކައި ޑިޖިޓަލް ޓެކްނޯލޮޖީ ބޭނުންކޮށްގެން މޫސުމީ އަދި ތިމާވެއްޓައް އަންނަ ބަދަލުތަކުގެ ޑާޓާ ނަގާ، ރައްކާކުރެވޭ ނިޒާމެއް ޤާއިމްކުރުންވެސް ހިމެނެއެވެ.
މި މަޝްރޫއުގެ ސްޓޭކްހޯލްޑަރުންނަކީ ކޮމިއުނިކޭޝަން އޮތޯރިޓީ އޮފް މޯލްޑިވްސް (ކޭމް)، ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރް)، ނެޝަނަލް ސެންޓަ ފޮ އިންފޮމޭޝަން ޓެކްނޮލޮޖީ (އެންސީއައިޓީ) ގެ އިތުުރުން އެންވަޔަރަންމަންޓް މިނިސްޓްރީ އެވެ.