ގިނަ ބަޔަކު އިންތިޒާރު ކުރަމުން އަންނަ ނެޓްފްލިކްސްގެ ސީރީޒް "ސްކައިޑް ގޭމް" ގެ ދެވަނަ ސީޒަންގެ ޓްރެއިލާ ދައްކާލައިފި އެވެ.
މީގެ ޓީޒާއެއް ދައްކައިލީ މި އަހަރުގެ ފެބްރުއަރީ މަހުގެ ތެރޭގަ އެވެ. އޭގެ ފަހުން ގިނަ ބަޔަކު ޓްރެއިލާ އަށް ކުރަމުން އައި އިންތިޒާރު އިއްޔެ ނިމުމަކަށް ގެނެސް "ސްކްއިޑް ގޭމް" ޕްރީމިއާކުރާ ތާރީހު ވެސް މި ވަނީ އިއުލާންކޮށްފަ އެވެ. އެއީ ޑިސެމްބަރު 26 އެވެ.
ނުވަ އެޕިސޯޑާ އެކީ 2021 ގައި ގެނެސްދިން މީގެ ފުރަތަމަ ސީޒަނުގެ ބޮޑު ކާމިޔާބީއާ ގުޅިގެން ދެވަނަ ސީޒަނެއް ގެނެސްދޭނެކަން ރަސްމީކޮށް އިއުލާންކުރީ 2022 ގަ އެވެ. އަދި އޭގެ މަސައްކަތް ފެށީ މިދިޔަ އަހަރުގެ ޖުލައި މަހުގެ ތެރޭގަ އެވެ. ނުވަ އެޕިސޯޑް އެކުލެވޭ "ސްކްއިޑް ގޭމް" އަކީ ސަވައިވަލް ތުރިލާއެއްގެ ގޮތުގައި ދެކުނު ކޮރެއާގެ ޑައިރެކްޓަރު ވަންގް ޑޮންގް-ހީކް ލިޔެ، ޕްރޮޑިއުސްކޮށް އަދި ޑައިރެކްޓްކޮށް ގެނެސްދިން އެއްޗެކެވެ.
މީގައި ދައްކުވައި ދީފައި ވަނީ ދަރަނިވެފައިވާ އާއިލާތަކެއްގެ ފައިސާ ހޯދަން ކުޑަކުދިންގެ ގޭމެއް ކުޅެން ނުކުތުމުން ދިރިއުޅުން "ނުރައްކަލަށް" ގޮތަކަށް ބަދަލުކޮށްލާ ގޮތެވެ.
ކުރީގެ މުހިއްމު ގިނަ ކާސްޓުންނާއި އަދި އާ ކާސްޓުންނާ ވެސް އެކީ "ސްކައިޑް ގޭމް 2" ގެނެސްދޭން ތައްޔާރުވަމުން އަންނަ އިރު، ދެވަނަ ސީޒަންގައި ކިތައް އެޕިސޯޑް ހިމެނޭނެ ކަމެއް އަދި ނޭނގެ އެވެ. މީގެ ތިން ވަނަ ސީޒަނެއް ވެސް ގެނެސް ދޭން އޮތީ ނިންމައިފަ އެވެ.