ތިނަދޫ ސިޓީ މަސްވެރިންގެ ކަންބޮޑުވުންތައް ފިޝަރީޒް މިނިސްޓަރު އަހުމަދު ޝިޔާމްއާ ހިއްސާކޮށްފި އެވެ.
މިނިސްޓަރު އެ ސިޓީއަށް ކުރައްވާ ދަތުރުގެ ތެރެއިން މަސްވެރިންނާ ބައްދަލު ކުރެއްވުމުން މަސްވެރިންނަށް ދިމާވެފައިވާ ތެލުގެ މައްސަލަ އާއި ފައިސާ ނުލިބުމުގެ މައްސަލަ ޙައްލުކޮށް ދެއްވުމަށް އެދިފައިވެ އެވެ.
މަސްވެރިން ވަނީ މިފްކޯއިންނާއި އެފްއެސްއެމް އިން ކްރެޑިޓަށް ތެޔޮ ނުލިބޭކަން ވެސް ފާހަގަކޮށްފަ އެވެ. އަދި މަސްބިލަށް ވަގުތުން ފައިސާ ނުލިބޭތީ މަސްވެރިންނަށް ފައިސާ ދީފައި ތެޔޮއެޅުމަކީ ވަރަށް ބޮޑު ތަކުލީފެއް ކަމަށާއި މިނިސްޓްރީން މަސައްކަތްކޮށްގެން މަސްވެރިންނަށް ތެޔޮ ލިބޭނެ ގޮތް ވީހާ ވެސް އަވަހަކަށް ހަމަޖައްސައި ދިނުމަށް ވެސް މަސްވެރިން ވަނީ އެދިފައިވެ އެވެ.
މީގެ އިތުރުން ތިނަދޫގައި ވަދު ކަނދުފައްޗެއް އަޅައި ދިނުމަށާއި ފަރުމަސްވެރިކަން ތަރައްޤީ ކުރުމަށް މިނިސްޓްރީގެ އެހީތެރިކަން ފޯރުކޮށް ދިނުމަށްވެސް މަސްވެރިން އެދުނެވެ.
މިނިސްޓަެރު ވިދާޅުވީ، ތެލުގެ މައްސަލަ ޙައްލުކުރުމަށް ސަރުކާރުން މިހާރު ވެސް މަސައްކަތް ފަށާފައިވާ ކަމަށާއި، އަންނަ ހަފުތާގެ ވެސް ކަމާ ގުޅުންހުރި ފަރާތްތަކާއެކު އިތުރު ބައްދަލުވުންތައް ބޭއްވުމަށް ނިންމާފައިވާ ކަމަށެވެ. އަދި ތިނަދޫ މަސްވެރިން އެދުނު ގޮތަށް މިފްކޯއާ ވާހަކަ ދައްކައިގެން ފަރުމަސްވެރިކަން ކުރާ ފަރާތްތަކަށް ދެވެން އޮތް އެހީތެރިކަން ބައްލަވައި، ވެދެވެން އޮތް އެހީތެރިކަން ފޯރުކޮށް ދެއްވާނެކަމުގެ ޔަގީންކަން ވެސް ދެއްވި އެވެ.
ޝިޔާމް ވިދާޅުވީ ތިނަދޫގެ ކޯލްޑް ސްޓޯރޭޖްގެ މަސައްކަތް އަންނަ ވަނަ އަހަރު ނިންމައި މަސް ގަންނަން ފެށުމަށް ރައީސް ޑރ. ސަރުކާރުން މަސައްކަތް އަވަސްކުރުމަށް ކުރެވެން ހުރި ކަންކަން ކުރަމުން އަންނަ ކަމަށެވެ.