ރާއްޖޭގެ މިނިވަންކަމާ އިސްތިގުލާލަށް ނުރަނގަޅު އަސަރުކުރާނެ އެއްވެސް ކަމެއް މި ސަރުކާރުން ނުކުރާނެ ކަމަށް ޕީއެންސީ އަށް ނިސްބަތްވާ ހިތަދޫ މެދު ދާއިރާގެ މެންބަރު އަހުމަދު އަޒާން ވިދާޅުވެއްޖެއެވެ.
އައްޑޫގައި އިންޑިއާގެ ކޮންސިއުލޭޓެއް ގާއިމު ކުރަން މި ސަރުކާރުން މަޝްވަރާކޮށްފައިވާ އިއްޔެ ބައެއް މީޑިއާތަކުން ރިޕޯޓް ކުރުމާ ގުޅިގެން އަޒާން އެކްސްގައި ވިދާޅުވީ ޑރ. މުހައްމަދު މުއިއްޒުގެސަރުކާރަކީ ބަޔަކު އަދި ބުނާހާ ކަމެއް ކުރާނެ ސަރުކާރެއް ނޫން ކަމަށެވެ.
"އެއީ އެމްޑީޕީ ވެރިކަމުގައި ކަން ހިނގި ގޮތް،" އޭނަ ވިދާޅުވި އެވެ. "ރާއްޖޭގެ މިނިވަންކަމާ އިސްތިގުލާލަށް ނުރަނގަޅު އަސަރު ކުރާނެ އެއްވެސް ކަމެއް މިއަދުގެ ސަރުކާރުން ނުކުރާނެ."
އައްޑޫގައި އިންޑިއާގެ ކޮންސިއުލޭޓެއް ގާއިމު ކުރަން އެ ގައުމުން ހުށަހެޅީ ކުރީގެ ރައީ އިބްރާހީމް މުހައްމަދު ސޯލިހުގެ ސަރުކާރުގެ ދުވަސްވަރު 2021 ގެ ކުރީކޮޅު އެވެ. އަދި އެކަމަށް ހުއްދަ ދޭނެކަމުގެ އިޝާރާތެއް އޭރު ސަރުކާރުން ދިން ނަމަވެސް، ވެރިކަން ނިމުނު އިރު، އައްޑޫގައި އިންޑިއާގެ ކޮންސިއުލޭޓް ގާއިމުކުރުމާ ގުޅޭ އެއްވެސް މަސައްކަތެއް ރަސްމީ ހައިސިއްޔަތެއްގައި ކުރެވިފައެއް ނުވެ އެވެ.'
ނަމަވެސް މި ސަރުކާރުން އެ މަޝްވަރާ އިންޑިއާ އަށް ކޮށްފައިވާ ކަމަށް އެނގިފައިވެ އެވެ. އެކަމަކު ސަރުކާރުން އެކަމާ ގުޅޭ ގޮތުން ރަސްމީކޮށ އެއްވެސް އެއްޗެއް އަދި ނުބުނެ އެވެ.