ތިނަދޫ ސިޓީގައި ސަރުކާރުން އިމާރާތް ކުރަމުން އަންނަ 200 ހައުސިން ޔުނިޓު މަސައްކަތުގެ 47 ޕަސަންޓް މިހާރު ނިމިފައވާ ކަމަށް ހައުސިން މިނިސްޓްރީން ބުނެފި އެވެ.
ޑިޒައިނިން އެންޑް ބިޑް އެސޫލުން ކުރިއަށް ގެންދާ މި މަޝްރޫއަކީ 2022 ގެ އޮކްޓޯބަރު މަހުގެ ކުރީކޮޅޫ ސިއެރާ ކޮންސްޓްރަކްޝަން އާއި ސްޓަ ކޮންސްޓްރަކްޝަންގެ ޖޮއިންޓް ވެންޗާއާ ހަވާލުކޮށްގެން ކުރިއަށް ގެންދާ މަޝްރޫއެކެވެ. މި 200 ހައުސިން ޔުނިޓް އަޅަން ހަވާލުކޮށްފައި ވަނީ 540 މިލިއަން ރުފިޔާއަށެވެ.
ހައުސިން ޔުނިޓުތައް އަޅަނީ 700 އަކަފޫޓުގެ ޖާގައެއްގައި ދެ ފަންގިފިލާގެ ރޯހައުސްތަކެއްގެ ގޮތުގަ އެވެ. ތިން ކޮޓަރާއި ތިން ފާހަނާ، ސިޓިން ރޫމް، ކާގެ އާއި ބަދިގެ، ލޯންޑްރީ އާއި ގުދަނެއްގެ އިތުރުން ކޮންމެ ޔުނިޓެއްގައި ބެލްކަންޏެއް ވެސް ހުންނާނެ އެވެ.
ހައުސިން މިނިސްޓްރީން ބުނީ ހައުސިން ޔުނިޓް އަޅާ ސަރަހައްދުގައި ސަރަހައްދުގައި ޕާކަކާއި ޕާކިން ޒޯނެއް ގާއިމު ކުރާނެ ކަމަށެވެ.
ސަރުކާރުގެ ބޯހިޔާވަހިކަމުގެ ޕްރޮގްރާމްގެ ދަށުން ތިނަދޫގައި ކުރިން ފްލެޓްތަކެއް ވެސް އަޅާފައިވެ އެވެ. އަދި އެ ތަންތަނުގައި މީހުން އަންނަނީ ދިރިއުޅެމުންނެވެ.