ސަސްޕެންޝަންގައި ހުންނަތާ ގިނަ ދުވަސްތަކެއް ފަހުން ދާދި ފަހުން ޔޫތު މިނިސްޓްރީގެ ޑެޕިއުޓީ މިނިސްޓަރުކަމުން އިސްތިއުފާ ދެއްވި މަލްޝާ ޝަރީފު ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ) ގެ މަގާމަކަށް އައްޔަންކޮށްފި އެވެ.
އޭނަ އައްޔަންކުރީ އެ ކުންފުނީގެ މާކެޓިން ޑިޕާޓްމަންޓްގެ އެސިސްޓެންޓް ޑިރެކްޓަރުގެ މަގާމެވެ. މަގާމުގެ މުސާރަ އަކީ 33،000ރ. ކަމަށް އެނގިފައިވެ އެވެ.
ޔޫތު މިނިސްޓްރީގެ ޑެޕިއުޓީ މިނިސްޓަރުކަމުން މަލްޝާ ސަސްޕެންޑްކުރީ އިންޑިއާ އާއި އެ ގައުމުގެ ބޮޑުވަޒީރު ނަރެންދުރަ މޯދީ އަށް މި އަހަރުގެ ކުރީކޮޅު ސޯޝަލް މީޑިއާގައި ފުރައްސާރަކުރި މައްސަލައިގައި ގިނަ ބައެއްގެ ފާޑުކިޔުންތަކެއް އަމާޒުވުމުންނެވެ.
ސަސްޕެންޝަންގައި ހުންނަވާތާ ގިނަ ދުވަސްތަކެއް ފަހުން އޭނަ އިސްތިއުފާ ދެއްވީ މި މަހުގެ ކުރީކޮޅު އެވެ.