އަންނަ އަހަރު ބާއްވާ 98 ވަނަ އޮސްކާ އެވޯޑްސްގެ އެންމެ މޮޅު ބޭރު ފީޗާ ފިލްމު ކެޓަގަރީ އަށް އަށް އިންޑިއާ އިން ހުށަހަޅާ ފިލްމަކަށް މި އަހަރު ރިލީޒްކުރީ "ލާޕަތާ ލޭޑީސް" ހޮވައިފި އެވެ.
ފިލްމު ފެޑެރޭޝަން އޮފް އިންޑިއާ (އެފްއެފްއައި) އިން އެ ފިލްމު އޮސްކާ އަށް ފޮނުވަން ނިންމުމާ ގުޅިގެން ބޮލީވުޑްގެ ވަރަށް ގިނަ ބަޔަކު މިހާރު އަންނަނީ ފިލްމުގެ ޓީމަށް މަރުހަބާ ކިޔަމުންނެވެ.
މި އަހަރުގެ މާޗް ގައި ރިލީޒްކުރި "ލާޕަތާ ލޭޑީސް" އަކީ މަޝްހޫރު އެކްޓަރު އާމިރު ޚާންގެ ކުރީގެ އަންހެނުން ކިރަން ރާއޯ ޑައިރެކްްޓްކުރި ކޮމެޑީ ޑްރާމާއެކެވެ. މިއީ އޭނަ ޑައިރެކްޓްކުރި ދެވަނަ ފިލްމެވެ.
ބެލުންތެރިންގެ ބޮޑު ތަރުހީބެއް ލިބުނު "ލާޕަތާ ލޭޑީސް" ގައި ކިޔައި ދީފައި ވަނީ ރަށްފުށުގައި ކުރާ ކައިވެންޏަކަށް ފަހު، އަލަތު އަނބިމީހާ ގޮވައިގެން ފިރިމީހާ އާއިލާގެ ގާތަށް ދާ ފަހުން، ގެންދެވުނީ ކައިވެނިކުރި އަންހެން މީހާ ނޫންކަން އެނގުމުން ދިމާވާ ހެއްވާ މަޖާ ހާދިސާތަކެކެވެ.
މި ފިލްމުގެ މައިގަނޑު ރޯލުތައް ކުޅުނީ ނިތާންޝީ ގޮއެލް އާއި ސްޕާޝް ޝްރިވަސްތާވްގެ އިތުރުން ޕްރަތިބާ ރަތުނާ އެވެ.
އިންޑިއާ އިން މިދިޔަ އަހަރު އޮސްކާ އަށް ފޮނުވީ މަލަޔާޅަމް ފިލްމެއް ކަމަށްވާ "2018: އިވަރީވަން އިޒް އަ ހީރޯ" އެވެ.
އަންނަ އަހަރުގެ އޮސްކާ އެވޯޑް ހަފުލާ އޮންނާނީ މާޗް 9 ގަ އެވެ.