މިފްކޯގެ މަސައްކަތްތައް ކުރުމަށް ކަނޑައަޅާފައިވާ ރަށްރަށުގައި، އެ ކުންފުނީގެ ބޭނުންތަކަށް، ދެމެހެއްޓެނިވި ގޮތެއްގައި، ދަނޑުވެރިކަމުގެ އުފެއްދުންތައް އާލާކުރުމާ ގުޅޭ ގޮތުން މަޝްވަރާކޮށްފި އެވެ.
އެ މަޝްވަރާ ބޭއްވީ އެގްރިކަލްޗަ މިނިސްޓްރީއާ އެކީގަ އެވެ.
ބައްދަލުވުމުގައި މިނިސްޓްރީގެ ފަރާތުން ސްޓޭޓް މިނިސްޓަރު މަރިޔަމް ވިޝާމާ އާއި އަދި މިނިސްޓްރީގެ އިސްބޭފުޅުންތަކެއް ބައިވެރިވެ ވަޑައިގެންނެވިއެވެ.
އެ ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ މިފްކޯގެ މަސައްކަތްތައް ކުރުމަށް ކަނޑައަޅާފައިވާ ރަށްރަށުގައި ދަނޑުވެރިކަމުގެ އުފެއްދުންތައް އިތުރުކޮށް، އެ މަސައްކަތް ދެމެހެއްޓެނިވި ގޮތެއްގައި ކުރިއަށް ގެންދިއުމާ ގުޅޭ ގޮތުންނެވެ.