އިނގިރޭސިވިލާތުގެ މަޝްހޫރު ރޮކް ބޭންޑް "ކޯލްޑްޕްލޭ" ގެ ޝޯތަކެއް އަންނަ އަހަރު އިންޑިއާގައި ބާއްވަން ނިންމައިފި އެވެ.
އަންނަ ޖެނުއަރީ މަހުގެ 18 އާއި 19 ގައި މުމްބާއީގައި ބާއްވާ ހަމަޖެހިފައިވާ މި ޝޯތަކަކީ އެ ބޭންޑުން 2022 އަހަރު ފެށި ފެށި "މިއުޒިކް އޮފް ދި ސްފެއާސް ވޯލްޑް ޓުއާ" ގެ ތެރެއިން ބާއްވާ ޝޯތަކެކެވެ. މި ޓުއާ ނިންމައިލަން ހަމަޖެހިފައި ވަނީ ވެސް އަންނަ އަހަރު އެވެ.
"ކޯލްޑްޕްލޭ" ގެ އިންޑިއާގެ ޝޯތަކަށް މިހާރު ޓިކެޓް ބުކުރުމުގެ ފުރުސަތު ވެސް ހުޅުވާލާފައިވާ އިރު، މިއުޒިކަށް ލޯބިކުރާ އިންޑިއާގެ ވަރަށް ގިނަ ބަޔަކު މިހާރު ތިބީ ޝޯގެ ކައުންޓްޑައުން ގުނުމުގަ އެވެ. އެ ބޭންޑް އެންމެ ފަހުން އިންޑިއާގައި ޕަފޯމްކުރީ 2016 ގަ އެވެ. އެއީ "ގްލޯބަލް ސިޓިޒެން ފެސްޓިވަލް" ގަ އެވެ. އެ ފަހަރު ވެސް ޝޯ ދިނީ އިންޑިއާގެ ވިޔަފާރީގެ މައި މަރުކަޒު، މުމްބާއީގަ އެވެ.
ހަތަރު މެންބަރުން ހިމެނޭ "ކޯލްޑްޕްލޭ" ވުޖޫދަށް އައީ 1997 ގަ އެވެ. ބޭންޑްގެ މެންބަރުންނަކީ ކްރިސް މާޓިން، ޖޯނީ ބަކްލަންޑް، ގާއި ބެރީމަން އަދި ވިލް ޗެމްޕިއަން އެވެ.
މިހާތަނަށް 9 އަލްބަމް ބެރެފައިވާ "ކޯލްޑްޕްލޭ" ގެ ކުރިއަށް އޮތް އަލްބަމަކީ އަންނަ މަހުގެ 4 ގައި ރިލީޒްކުރަން ހަމަޖެހިފައިވާ "މޫން މިއުޒިކް" އެވެ.