ދުނިޔޭގެ ކަނޑުތަކުގެ ތިންބައިކުޅަ ދެބައި ހިމާޔަތްކޮށް ބެލެހެއްޓުމަށް އެކުލަވާލާފައިވާ "ހައި ސީސް ޓްރީޓީ" ގައި ރާއްޖެ ވަނީ ބައިވެރިވެއްޖެ އެވެ.
"ހައި ސީސް ޓްރީޓީ" އަކީ އދ. ގެ ބެލުމުގެ ދަށުން އެކުލަވާލާފައިވާ މުޢާހަދާއެކެވެ. މި މުޢާހަދާގެ މަޤްޞަދަކީ ޤައުމުތަކުގެ ސަރަޙައްދުން ބޭރުގައިވާ ކަނޑުތަކާއި އޭގެ ވަސީލަތްތައް ދެމެހެއްޓެނިވި ގޮތެއްގައި ބޭނުންކުރުމާއި ހިމާޔަތްކުރުމެވެ.
މި މުޢާހަދާގައި ބައިވެރިވުމަކީ ދުނިޔޭގެ ކަނޑުތަކުގެ ބޮޑުބައެއް ހިމާޔަތްކޮށް ބެލެހެއްޓުމަށް އެޅޭ މުހިންމު ފިޔަވަޅެއް ކަމުގައި ސަރުކާރުން ބުނެ އެވެ. މި މުޢާހަދާގައި ބައިވެރިވުމުން، ރާއްޖެއަކީ މި މުޢާހަދާގެ "ސްޓޭޓް ޕާޓީ" އަކަށް ވަނީ ވެގެން ގޮސްފަ އެވެ.
މި މުޢާހަދާގައި ބައިވެރިވުމަކީ، މިހާރު ނިއުޔޯކުގައި ކުރިއަށްދާ އދ. ގެ 79 ވަނަ ޖެނެރަލް އެސެމްބްލީގައި ރާއްޖެއިން ހާސިލުކުރި މުހިންމު ކާމިޔާބީއެއް ކަމުގައި ވެސް ސަރުކާރުން ވަނީ ބުނެފަ އެވެ.