އަނިޔާވެރިކަން ނިންމުން ނަމުގައި އިދިކޮޅު ފަރާތްތަކުން މިރޭ އައްޑޫ ސިޓީ މަރަދޫގައި ޖަލްސާއެއް ބާއްވަން ނިންމައިފިއެވެ.
ގައުމީ ހަރަކާތުން އިންތިޒާމްކޮށްގެން ބާއްވާ ހާއްސަ ޖަލްސާ ފެށުމަށް ހަމަޖައްސާފައި ވަނީ މި ރޭ 9:00 ގައެވެ.
މިރޭގެ ޖަލްސާގައި އަދާލަތު ޕާޓީގެ ރައީސް ޝެއިހް އިމްރާން އާއި އެމްޑީޕީގެ ނައިބް ރައީސް މުހައްމަދު ޝިފާޒް އާއި ރައްޔިތުންގެ މަޖިލީހުގެ ބައެއް މެމްބަރުން ބައިވެރިވަޑައިގަންނަވާނެއެވެ.
ގައުމީ ހަރާކާތުގެ ބައިވެރިން އަނިޔާވެރިކަމާ ދެކޮޅަށް ކުރާ މަސައްކަތުގެ ތެރެއިން ރޭ ވަނީ ފުވައްމުލަކު އާއި ނ . އަތޮޅު ވެލިދޫގައި ހާއްސަ ޖަލްސާ އެއް ބާއްވާފައެވެ.އައްޑޫގައި ހާއްސަ ޖަލްސާއެއް ބާއްވަން ހަމަޖެހިފައިވާ އިރު ޖޫން މަހުގެ 12 ވަނަ ދުވަހު ދިވެހިރާއްޖޭގެ އެކި ކަންކޮޅުތަކުން މީހުން މާލެ އައިސް މާލެ ފުރާލާނެ ކަމަށް އެމްޑީޕީން ބުނެފައި ވެއެވެ.