ބޮލީވުޑްގެ ކުރީގެ މަޝްހޫރު ބަތަލާ އުރްމިލާ މަޓޯންޑްކަރްގެ 8 އަހަރުވީ ކައިވެނި ރޫޅާލަަން ނިންމައިފި އެވެ.
ހިންދުސްތާން ޓައިމްސް އިން ބުނީ ފިރިމީހާ މުހްސިން އަހްތަރު މީރުގެ ގާތުން ވަރިވާން އުރްމިލާ މުމްބާއީ ކޯޓަށް ވެސް ހުށަހަޅާފައިވާ ކަމަށެވެ. އަދި މިއީ ސީދާ އުރްމިލާގެ އަމިއްލަ ނިންމުމެއް ކަނަށް ވެސް ބުނެފައިވެ އެވެ. ނަމަވެސް ކައިވެނި ރޫޅައިލަން ނިންމި ސަބަބެއް މިހާތަނަށް ރަސްމީކޮށް ސާފުނުވާ ޖަމަށް މީޑިއާތަކުން ބުންޏެވެ.
ކަޝްމީރަށް އުފަން މޮޑެލް އަދި ވިޔަފާވެރިޔާ މުހްސިން އާއި އިރްމިލާ، 50، ކައިވެނިކުރީ 2016 ގަ އެވެ. އުރްމިލާ ބުނެފައިވާ ގޮތުގައި އޭނަ އާއި މުހްސިން އެންމެ ފުރަތަމަ ދިމާވީ މަޝްހޫރު ފެޝަން ޑިޒައިނަރު މަނީޝް މަލްއުތުރާގެ ޕާޓީއަކުންނެވެ. އޭގެ ފަހުން ދެ މީހުންގެ މެދުގައި އެކުވެރިކަން އުފެދި އެ ގުޅުން ފަހުުން ލޯތްބަަށް ބަދަލުވެ ކައިވެންޏަކާ ހަމައަށް ދިޔައީ އެވެ.
އުރްމިލާގެ ކައިވެނި ރޫޅައިލަން ނިންމި ވާހަކަ މީޑިއާތަކުގައި ދެކެވެން ދެށުމާ އެކީ އޭނަގެ ފޭނުންނަށް ވަނީ ވަރަށް ބޮޑު ހައިރާން ކަމެއް ލިބިފަ އެވެ. ސަބަބަކީ މިހާތަނަށް އެ ދެ މީހުން ފާހަގަކުރެވުނީ ވަރަށް ލޯބިން އުޅޭ ދެމަފިރިން ގޮތުގައި ކަމަށްވާތީ އެވެ. އެގޮތުން އިންސްޓަގްރާމްގައި އުރްމިލާ އާއި މުހްސިންގެ ގުޅުން ވަރަށް ބޮޑަށް ފެނިގެން ގޮސްފައިވެ އެވެ.
އުރްމިލާ އަކީ 90 ގެ އަހަރުތަކުން ފެށިގެން 2000 ގެ ކުރީކޮޅާ ހަމައަށް ބޮލީވުޑްގެ އެންމެ ކާމިޔާބު އެެއް ބަތަލާ އެވެ. ވަރަށް ކުޑައިރު އެކްޓިން އަށް ނުކުތް ބަތަލާގެ ކެރިއަރުގައި ވަރަށް ކާމިޔާބު ފިލްމުތަކެއް ކުޅެދައިވެ އެވެ. އަދި އުރްމިލާ އަކީ ބޮލީވުޑްގެ އެންމެ މަޝްހޫރު ތިން ޚާނުން ކަމަށްވާ ޝާހްރުކް ޚާނާއި އާމިރު ޚާންގެ އިތުރުން ސަލްމާން ޚާނާ އެކީ ފިލްމު ކުޅެން ލިބުނު މަދު ބަތަލާއިންގެ ތެރެއިން އެކެކެވެ.
އޭނަގެ ކެރިއަރުގެ އެންމެ ފާހަގަކޮށްލެވޭ ފިލްމުތަކުގެ ތެރޭގައި "ސަތިއާ"، "ބޫތު"، ރަންގީލާ"، ޖުދާއީ"، "ޕިޔާރު ތޫނޭ ކިޔާ ކިޔާ" އަދި "ޖަންގަލް" ހިމެނެ އެވެ. އުރްމިލާ އެންމެ ފަހުން ފެނިފައި ވަނީ 2018 ގެ ފިލްމު "ބްލެކްމެއިލް" ގެ ލަވައަލުންނެވެ.
އޭނަ ދާދި ފަހުން ބުނެފައިވާ ގޮތުގައި ވަރަށް އަވަހަށް އަނެއްކާ ވެސް އެނބުރި އެކްޓިން އަށް އަންނާނެ އެވެ.