"ލަބެރާ ބޮޑީބޯޑިން ޗެލެންޖް 2024" ފަހުކޮޅު ފަށަން ތައްޔާރުވެއްޖެ އެވެ.
ގައުމީ ބޮޑީބޯޑިން ލީގުގައި ހިމެނޭ ދެވަނަ މުބާރާތް ފަށަން ހަމަޖެހިފައި ވަނީ އަންނަ ހަފުތާގެ ހޯމަ ދުވަހު އެވެ. މުބާރާތް އަންނަ މަހުގެ 5 އާ ހަމައަށް ކުރިއަށް ދާނެ އެވެ. މުބާރާތުގެ އިވެންޓްތައް ކުރިއަށް ދާނީ މާލޭ ރާޅުގަނޑު ސަރަހައްދުގަ އެވެ. މުބާރާތް ކުރިއަށް ދާނީ ތިން ޑިވިޝަނަކަށެވެ. އެއީ މެންސް ޑިވިޝަނާއި ޑްރޮޕްނީ ޑިވިޝަންގެ އިތުރުން ޖޫނިއާ ޑިވިޝަނެވެ.
މޯލްޑިވްސް ބޮޑީބޯޑިން އެސޯސިއޭޝަން (އެމްބީބީއޭ) ބުނީ ގައުމީ ރޭންކިންގެ ޓޮޕް އެތުލީޓުން މި ފަހަރު މުބާރާތުގައި ވެސް ވާދަކުރާނެ ކަމަށެވެ.
"ލަބެރާ ބޮޑީބޯޑިން ޗެލެންޖް" މި އަހަރު އަލުން ބާއްވަނީ ފަސް އަހަރަށް ފަހު އެވެ. އަދި މިއީ މުބާރާތުގެ ތިން ވަނަ އެޑިޝަނެވެ.
ރާޅާ އެޅުމުގެ ދެވަނަ މުބާރާތަށް ތައްޔާރުވެފައިވާ އިރު، މިދިޔަ މެއި މަހުގެ ތެރޭގައި ވަނީ ގައުމީ ބޮޑީބޯޑިން ލީގުގައި ހިމެނޭ "ބުރުނު ޝިކާރު 2024" ވެސް މާލޭ ރާޅުގަނޑު ސަރަހައްދުގައި ބާއްވާފައިވެ އެވެ.