ޑާކް ރެއިން އެންޓަޓައިންމަންޓްގެ ފުރަތަމަ ހޮރޯ-ކޮމެޑީ "ބިބީ" ގެ ޕްރޮމޯޝަނަލް ލަވައިގެ ގޮތުގައި ގެނެސްދޭ "ލާލު" ގެ ޓީޒާއެއް މިއަދު ދައްކާލައިފި އެވެ.
މި ލަވަ އާންމުންނަށް ދޫކޮށްލަން ހަމަޖެހިފައި ވަނީ މާދަމާ އެވެ.
"ލާލު" ގެ އަޑުގެ ވެރިންނަކީ މަރިޔަމް އަޝްފާ އާއި ޓޯއި އެވެ. ލަވައިގެ މެލޮޑޯ އާއި ލިރިކްސް ވެސް ހެދީ ޓޯއި އެވެ. އަދި މި ޕްރޮމޯޝަނަލް ލަވަ ޑައިރެކްޓްކުރީ "ބިބީ" ގެ މޭކަޕް އާޓިސްޓް ސޭންޑީ އެވެ.
އަންނަ މަހުގެ 7 ގައި ޕްރީމިއާކުރަން ހަމަޖެހިފައިވާ "ބިބީ" އަކީ އާ ޑައިރެކްޓަރު ޝަހުދާ މަހުމޫދު ލިޔެ، ޑައިރެކްޓްކޮށްފައިވާ ފިލްމެކެވެ. މީގެ ލީޑް ތަރިންނަކީ ޝަރަފު އަބްދުﷲ އާއި މަރިިޔަމް މަޖުދާ (މަޖޫ) އެވެ.
ފިލްމުގެ އިތުރު ކާސްޓުންގެ ތެރޭގައި ޝީލާ ނަޖީބު، އަހުމަދު ސައީދު، އަބްދުﷲ ޝާފިއު (ފުބޫ)، އަހުމަދު ޝާކިރު (ޝާއްކޮ އައްމަޑޭ)، މަލީހާ ވަހީދު، ޝުހާ، އާދަމް ރިޒްވީ، ސާމީ، އަމަން ހާޒިފު އަދި މަރިޔަމް ހަލީމް ހިމެނެ އެވެ.
"ބިބީ" އަކީ ޑާކް ރެއިނުން މި އަހަރު ގެނެސްދޭ ދެވަނަ ފިލްމެވެ. އެ ސްޓޫޑިއޯގެ މި އަހަރުގެ ފުރަތަމަ ފިލްމަކީ މާޗްގައި ގެނެސްދިން "ފުރޭތަ އެވެ.